Cani rucheeche stiidxaʼ Reinu:

Riéchedu nga gábidu laatu xi guiráʼ dxiiñaʼ guca ra runi tender Betel stiʼ Méjicu lu iza dxiiñaʼ 2007. Lu beeu diciembre que stale bíʼchinu ne bizáʼnanu gúcacaʼ precursor regular. Lu iza ca laaca biree stale de cani guyuu Betel para gácacaʼ precursor regular ne precursor especial, ne cahuinni pabiáʼ cayacanécabe binni neza ra cucheechecabe diidxaʼ. Betel laaca ruuyaʼ dxiiñaʼ ni cayaca Belice. Ndaaniʼ guidxi ca nuu 1,752 ni rucheeche diidxaʼ ne precursor, laacabe biindanécabe 2,406 binni Biblia lu beeu marzo.

Cani rucheeche diidxaʼ stiʼ Méjicu ne Belice bisaananecaʼ binni quince millón de tratadu Ca diidxaʼ nacubi stiʼ Reinu núm. 37 ni láʼ: «¡Mayaca guinitilú religión ni cadi dxandíʼ!». Ti gunaa Testigu ni maʼ bisaana de gucheeche diidxaʼ bisaananécabe laa ti tratadu, biindasibe ni maʼ qué ñanda ñásibe. Sti domingu que guyebe guendaridagulisaa ne gunábabe guʼndanécabe laabe Biblia.

Riaaziʼ ca tratadu riʼ purtiʼ riquiiñeʼ cani para gacanenu ca binni ni riuulaʼdxiʼ ganna ne guiene xipeʼ ndiʼ rusiidiʼ Biblia (Mat. 28:19, 20). Cumu para gacanenu binni nga rúninu dxiiñaʼ riʼ la? ora gucheechenu diidxaʼ riquiiñeʼ gúninu stipa pur guzulú gúʼndanenu ca binni ni gusihuinni riuulaʼdxiʼ guiziidiʼ de Biblia. Riéchedu stale nga cayuninedu laatu dxiiñaʼ ni nabé risaca riʼ. Laguicaa diuxi stidu ne laganna nadxiidu laatu.

Ca bíʼchitu,

Betel stiʼ Méjicu