Ininu de endanandxóʼ stiʼ Jiobá
1 Sicaríʼ uníʼ salmista que: «Laguundaʼ para Jiobá, guiráʼ binni nuu lu guidxilayú. [...] Laguiníʼ lade guiráʼ ca guidxi roʼ ca endanandxóʼ stibe, lade guiráʼ ca guidxi ca laguiníʼ cani bíʼnibe». Ora iníʼ íquenu cani maʼ biʼniʼ Jiobá, cani cayúnibe ne cani chigúnibe pur laanu la? ladxidoʼno ca zucaani laanu ininu de endanandxóʼ stibe (Salmo 96:1, 3).
2 Ora rucheechenu diidxaʼ. Para ca testigu stiʼ Jiobá ti guenda nga chinenu lá Dios ne usisácanu laabe nezalú iráʼ binni lu idubi naca Guidxilayú (Mal. 1:11). ¡Izáʼ gadxepeʼ nga modo runi ca xaíque stiʼ ca religión ni na zinanda Cristu, purtiʼ uleecabe lá Dios lu Biblia stícabe ne zacá bisihuínnicabe qué gápacabe respetu labe! Dxiiñaʼ ni nápanu de usíʼdinu lá Dios ca naquiiñeʼ ácani nagueendaca, purtiʼ para ilá binni lu dxi jma nagana zeeda riʼ la? nápacabe xidé inabaʼ ruaacabe laabe ne fe (Rom. 10:13-15). Ziuu endariuudxi lu idubi naca ibáʼ ne Guidxilayú ora maʼ bisisácacabe lá Dios. Ne iráʼ ni maʼ bíʼnibe, bíʼnibe ni pur labe.
3 «Nandxóʼ Jiobá ne naquiiñeʼ guisácabe stálepeʼ». Peru para ganda cuʼ binni «guendanaróʼ stiʼ Jiobá purtiʼ risaca labe la?» naquiiñeʼ gánnacabe ni dxandíʼ de laabe (Sal. 96:4, 8). Peru nuu tu na gastiʼ Dios (Sal. 14:1). Xcaadxi na qué gápabe poder o nácabe qué rizaláʼdxibe ca endanagana cadiʼdiʼ binni. Ora racanenu gunibiáʼ chaahuiʼ binni Dios, ni bizáʼ laanu ca, ne gánnacabe xii nga cani bizabiruaabe ne pabiáʼ sicarú modo laabe la? riguʼnu endanandxóʼ stibe.
4 Ora cayúninu ni jneza. Ora chinándanu ca ley stiʼ Jiobá la? laaca rusisácanu laabe, purtiʼ ruuyaʼ binni laanu ora rúninu ni jneza (1 Ped. 2:12). Casi xa ora nayá xhábanu ne cadi nayúxeni, zucaani binni iníʼ galán de laanu ne zacaneni laanu para gábinu binni ribeendunu ni galán ora rinándanu ca conseju ni zeeda lu Stiidxabe (1 Tim. 2:9, 10). Riéchenu stale nga guʼyaʼ binni pabiáʼ jneza rúninu ne usisacacaʼ Bixhózenu ni nuu ibáʼ (Mat. 5:16).
5 Usisácanu Dios stinu iráʼ dxi ra ucheechenu diidxaʼ ne uguʼnu endanandxóʼ stibe ora gúninu ni jneza, ti zacá usihuínninu cayúninu ni na ca diidxaʼ riʼ: «Laguundaʼ para Jiobá, lagusisaca labe. Iráʼ dxi laguiníʼ ca diidxaʼ nacubi ne galán ni caníʼ chigulabe» (Sal. 96:2).