Biluíʼ ti tema si, peru bisaana guiropaʼ revista ca
Lu ca revista stinu riree stale tema ni ziuulaʼdxiʼ binni guʼndaʼ. Peru lugar de guluinu binni guiráʼ ca tema stiʼ ca revista ca la? jma galán guluinu laacabe tobi si. Pa laanu guʼyaʼ chaahuinu xi caquiiñeʼ binni ne guidúʼndanu guiráʼ ni zeeda lu ca revista Torre stiʼ ni rapa ne ¡Despertad! la? zanda cuinu tobi de ca tema ni zeeda lúcani ni jma ziuulaʼdxiʼ binni guʼndaʼ. Casi pa guidúʼyanu nexheʼ caadxi juguete ra lidxi binni, zanda guinínenu laabe ti tema ni zeeda lu ca revista ca ni caníʼ de binnilidxi binni. Ne pa caninenu ti señor, zanda guluinu laabe ti tema ni riuulaʼdxiʼ ca hombre biaʼ laabe, casi ni caníʼ de ca guendanagana ridxaagalú binni ne ni cuzeeteʼ de ti gobiernu ni zacané binni. Nécapeʼ ti tema si ni zeeda lu tobi de ca revista ca zanda guinínenu ca binni ni gucaadiaga laanu la? jma galán gusaananenu laacabe guiropaʼ revista ca.