Laguni stipa pur guzulú gúʼndanetu binni Biblia primé sábadu stiʼ cada beeu
De lu beeu mayo 2011 caguucabe gana cani rucheeche diidxaʼ para gúnicaʼ stipa pur guzulú gúʼndanecaʼ binni Biblia primé sábadu stiʼ cada beeu. Ne ni racané laanu gúninu ni nga ndaa ra na «Cani rinabadiidxaʼ binni de Biblia» ni zeeda lu revista Torre stiʼ ni rapa ni riree para guiráʼ binni. Nga runi, lu guendaridagulisaa ni raca ante chigucheechenu diidxaʼ primé sábadu stiʼ cada beeu, naquiiñeʼ gusiénecabe ximodo iquiiñeʼ ndaa stiʼ revista ca para guzulú gúʼndanenu binni Biblia ne naquiiñeʼ tiidiʼ ti demostración.
Maʼ ca binnigola gúʼyacaʼ pa zadagulisaa guiráʼ grupu ni rucheeche diidxaʼ nuu ra ridagulisaacaʼ ndaani Yoo stiʼ Reinu o pa zadagulisaacaʼ pur grupu. Peru pa ti Yoo stiʼ Reinu si riquiiñeʼ chupa chonna neza binni ridagulisaa la? nin tobi de ca neza binni ridagulisaa ca cadi naquiiñeʼ guchaacaʼ dxi nexheʼ guzulú gúʼndanecaʼ binni Biblia purtiʼ si racaláʼdxicaʼ gutagulisaacaʼ guiráʼ grupu sticaʼ ndaaniʼ Yoo stiʼ Reinu.