Ximodo gusiénenu cani runi crenu de iza 1914
Stiidxaʼ Dios rabi laanu chuʼnu listu para guininu de cani runi crenu «ne diidxa nadóʼ ne respetu» (1 Ped. 3:15). Ni dxandíʼ nga cadi casi zeʼ diʼ tuuxa nagueendaca riníʼ de cani rusiidiʼ Biblia, casi xiñee rininu bizulú cayuni mandar Reinu stiʼ Dios lu iza 1914. Para ganda gúninu ni, maʼ bíʼnicabe ti tema de chupa ndaa ni láʼ: «Ra caniʼné ti testigu stiʼ Jiobá tuuxa: Padxí bizulú cayuni mandar Reinu stiʼ Dios». Ca tema riʼ zeeda cani lu revista Torre stiʼ ni rapa ni zusaananenu binni ora maʼ canagucheechenu diidxaʼ lu beeu octubre ne noviembre. Ora gúʼndaluʼ cani, guníʼ ique ca guendarinabadiidxaʼ zeeda raríʼ ne biiyaʼ ximodo biʼniʼ publicador ni láʼ Julio para gunda bicheeche diidxaʼ.
Ximodo...
... biyúbibe guiníʼnebe binni de xiixa tema ne gúdxibe binni jneza ni biʼniʼ (Hech. 17:22).
... bisiénebe cani runi crebe sin nuchabe bi yánnibe (Hech. 14:15).
Xiñee jneza...
... ante guiniʼbe sti cosa risaca de tema ca, bisietenaláʼdxibe binni ca cani maʼ biziidicabe.
... gatigá gunabadiidxabe Ernesto xiixa para biiyabe pa cayene ni cusiénebe laa.
... cadi niniʼbe stale diidxaʼ ora yegánnabe binni (Juan 16:12).
Nabé rudiʼnu xquíxepeʼ Jiobá, Dios «Ni jma nanna gusiidiʼ», purtiʼ racané laanu gusiénenu ca cosa sicarú rusiidiʼ Biblia ca binni ni racalaʼdxiʼ ganna de laacani (Is. 30:20).