BIBLIOTECA NI NUU LU INTERNET Watchtower
Watchtower
BIBLIOTECA NI NUU LU INTERNET
diidxazá
  • BIBLIA
  • PUBLICACIÓN
  • REUNIÓN
  • mwb18 marzo yaza 8
  • Ximodo zanda guiroobaʼ guendarannaxhii ni nápanu Dios ne binni

Gastiʼ nin ti videu de ca ni guliluʼ riʼ.

Bitiidilaʼdxiʼ, guyuu ti error ora cayaca cargar videu riʼ.

  • Ximodo zanda guiroobaʼ guendarannaxhii ni nápanu Dios ne binni
  • Ni chigaca lu reunión Xhiiñaʼ Dios ne modo nabáninu 2018
  • Laaca zanda gúʼndaluʼ
  • ¿Xi naquiiñeʼ gúninu para jma guiénenu Biblia?
    Torre stiʼ ni rapa ni caníʼ de Reinu stiʼ Jehová (estudiu) 2023
  • Xi zanda gúniluʼ para gacané ni rusiidiʼ Biblia lii
    ¡Zanda guibániluʼ nayecheʼ! Ti libru ni zacané lii guiéneluʼ ni ná Biblia
  • Gucané ca xiiñiluʼ chuuláʼdxicaʼ gúʼndacaʼ ne guiénecaʼ ni gúʼndacaʼ
    Torre stiʼ ni rapa ni caníʼ de Reinu stiʼ Jiobá 2010
Ni chigaca lu reunión Xhiiñaʼ Dios ne modo nabáninu 2018
mwb18 marzo yaza 8

MODO RÚNINU XHIIÑAʼ DIOS

Ximodo zanda guiroobaʼ guendarannaxhii ni nápanu Dios ne binni

Ca xpinni Cristu de yanna maʼ qué rinándanu Ley ni gucuaa Moisés, peru chupa de ca mandamientu jma risaca rinándanu dede nagasi nga gannaxhiinu Dios ne binni purtiʼ nga nga ni ribeza Jiobá guni ca xpinni (Mt 22:37-39). Peru qué zanda diʼ guiroobaʼ guendarannaxhii riʼ stubi si. Caquiiñeʼ gusiróʼbanu ni. ¿Ximodo yaʼ? Ti modo zanda gúninu ni nga gúʼndanu Biblia guiráʼ dxi. Ora guni meditarnu o guiníʼ ique chaahuinu ni cayúʼndanu zanda guidúʼyanu ca cualidad napa Jiobá, ximodo laabe ne pabiáʼ nacháʼhuibe (Sl 27:4). Pa gúninu zacá, zannaxhiinu Jiobá ne zazíʼdinu guiníʼ íquenu casi laabe. Ne zacané ni laanu gúninu ni ná ca mandamientu stibe, gusihuínninu dxandíʼ nadxiinu binni sin cuézanu gudiicaʼ laanu xiixa (Jn 13:34, 35; 1Jn 5:3). Guidúʼyanu chonna modo ni zanda gacané laanu para chuuláʼdxinu gúʼndanu Biblia.

  • Iquiiñenu imaginación ne gaayuʼ sentidu nápanu. Ora maʼ cayúʼndanu guni imaginarnu casi ñaca nuunu racá. Guxuíʼlunu guiráʼ ni cayaca, ni cayunadiáganu ne ni cayuuxiinu. Guiníʼ íquenu xi biʼniʼ sentir ca binni ni riete lu xiixa relatu.

    Cayuni imaginar ti hermanu ni cayuundaʼ lu Biblia
  • Guchaʼnu modo rúninu ni. Zanda gúʼndanu ni o gucaʼdiáganu grabación stini laga cayúʼndanu ni. Sti modo nga gúʼndanu de tuuxa binni riete lu Biblia o de ti tema lugar de gúʼndanu guidubi naca Biblia. Guzéʼtenu ti ejemplu, ora gúʼndanu de Jesús zanda iquiiñenu ndaa 4 ne 16 stiʼ folletu Ni zacané lii guiéneluʼ Stiidxaʼ Dios. Sti modo zanda gúninu nga gúʼndanu guidubi capítulo ra biree textu ni biaba dxi ca o gúʼndanu ca libru ni zeeda lu Biblia modo gucuá cani.

    Cayuundaʼ ti hermana Biblia lu jw.org
  • Gúʼndanu para guiénenu. Jma galán nga gúʼndanu, guiénenu ne guni meditarnu neca lu ti capítulo ti dxi qué gúʼndanu stale capítulo para si guiuba guilúxenu Biblia. Guiníʼ íquenu lu contextu de ni cayúʼndanu, guʼyaʼ chaahuinu ca detalle stini, iquiiñenu ca mapa ne ca referencia marginal napa Biblia. Guyúbinu información de xiixa cosa ni cadi cayénenu. Pa ganda la? biaʼ tiempu gúʼndanu biáʼcaca naquiiñeʼ guiníʼ íquenu.

    Chupa yaza stiʼ folletu Ni zacané lii guiéneluʼ Stiidxaʼ Dios
    Libru ne revista zapoteco del Istmo (1993-2025)
    Biteeguʼ sesión
    Bizulú sesión
    • diidxazá
    • Compartir
    • Configuración
    • Copyright © 2025 Watch Tower Bible and Tract Society of Pennsylvania
    • Modo iquiiñeʼ ni
    • Política de privacidad
    • Configuración de privacidad
    • JW.ORG
    • Bizulú sesión
    Compartir