«Ni ma bichaaga Dios...»

Lu Ley ni gucuaa Moisés que ná pa ti hombre gacalaʼdxiʼ gaca divorciar caquiiñeʼ guni ti documentu legal. Ndiʼ rudii ni tiempu para guiníʼ íquebe xi chigúnibe. Peru ca dxi stiʼ Jesús ca xaíque yuʼduʼ bisihuínnicaʼ cadi nagana gaca divorciar binni. Zanda gacaʼ divorciar ca hombre que de xheelacaʼ pur intiica si cosa (nwtsty nota de estudiu para Mr 10:4 TNM: «acta ra gucaa cusaana xheelaʼ»; nwtsty nota de estudiu para Mr 10:11 TNM: «gaca divorciar de xheelaʼ» ne «maʼ napa jnadxii, ne cucheené xheelaʼ»). Bisiene Jesús Jiobá nga gudixhe chuʼ guendaxheelaʼ (Marcos 10:2-12). Cani maʼ bichaganáʼ naquiiñeʼ gácacaʼ «tobi si» ndiʼ riníʼ cadi naquiiñeʼ guixélecabe. Ne según relatu stiʼ Mateo, razón ni rudii Biblia para gaca divorciar binni nga pur inmoralidad sexual (Mt 19:9).

Ca dxi riʼ stale binni ruuyacaʼ guendaxheelaʼ casi biʼyaʼ ca fariseu ni, ne cadi modo biʼyaʼ Jesús ni. Cásipeʼ gápacaʼ problema lu xquendaxheelacaʼ, raca divorciarcaʼ. Peru ca xpinni Cristu ni maʼ bichaganáʼ, cadi guendariguite ricaacaʼ voto ni bíʼnicaʼ ora bichaganacaʼ ne rinándacaʼ ca principiu ni zeeda lu Biblia para guni chaahuicaʼ ca problema ni gápacaʼ. Despué de gúʼyatu videu ni láʼ Guendarannaxhii ne respetu racané ni chuʼ ca familia tobi si, zanda guicábitu ca pregunta riʼ:

• 

  ¿Ximodo zanda chinándaluʼ conseju ni zeeda lu Proverbios 15:1 lu xquendaxheelaluʼ, ne xiñee risácapeʼ guʼnuʼ ni?

• ¿Ximodo zanda gacané Proverbios 19:11 lii para guni evitarluʼ problema?

• Pa nuusi de guilaa xquendaxheelaluʼ, ¿xi pregunta naquiiñeʼ guʼnuʼ laaca lii lugar de guiníʼ íqueluʼ gaca divorciarluʼ?

• ¿Ximodo zanda gacané Mateo 7:12 lii para gácaluʼ nachaʼhuiʼ ne guni respetarluʼ xheelaluʼ?