Campaña especial ni chigaca lu noviembre para guininu de Reinu stiʼ Dios

Biʼniʼ predicar Jesús «ca noticia galán stiʼ Reinu stiʼ Dios» ne bisiidibe binni guinabaʼ ni lu oración stiʼ (Lu 4:43; Mt 6:9, 10). Lu beeu noviembre zúninu stipa guininu jma de Reinu stiʼ Dios (Mt 24:14). Zanda quixhe chaahuinu horariu stinu para ganda gúninu biaʼ gándatiʼ lu campaña riʼ. Ni guni de precursor auxiliar beeu riʼ zanda guni informar 30 o 50 hora.

Lu campaña riʼ, biyubi gúʼndaneluʼ jma binni ti textu ni caníʼ de Reinu stiʼ Dios. Ante cuiluʼ ti textu, guníʼ ique xi runi cré ca binni ni nuu lu territorio stiluʼ. Pa gudiiluʼ cuenta dede primé biaje guiníʼneluʼ binni riuuladxiʼ guiziidiʼ la? bisaanané laabe Torre stiʼ ni rapa Núm. 2 2020 (para guiráʼ binni). Bibiguetaʼ ra nuube nagueendaca ne biiyaʼ pa zanda guzulú gúʼndaneluʼ laabe ti publicación ni nuu lu kit de enseñanza. Maʼ cadi candaa zunduuxeʼ Reinu stiʼ Dios guiráʼ gobiernu ni nuu lu Guidxilayú riʼ (Da 2:44; 1Co 15:24, 25). Nga runi, gúninu biaʼ gándatiʼ lu campaña especial riʼ para guluinu Jehová nuunu pur laa ne pur Reinu stiʼ.