Campaña especial para guininu de Reinu stiʼ Dios ni chigaca lu beeu septiembre

Lu beeu septiembre, zúninu stipa gusíʼdinu binni Reinu si stiʼ Dios nga zabee guiráʼ guendanagana ni nuu ndaaniʼ Guidxilayú riʼ (Mt 24:14). ¿Xi zanda gúniluʼ para guni predicarluʼ lu campaña riʼ yaʼ? Zanda gúniluʼ stipa gúʼndaneluʼ guiráʼ binni ni guni predicarluʼ ti textu ni caníʼ de Reinu stiʼ Dios. Pa gúʼyaluʼ guyuulaʼdxiʼ binni ca ni guníʼneluʼ laa la? zanda gudiiluʼ laabe revista Torre stiʼ ni rapa númeru 2 de 2020 (revista para guiráʼ binni). Cadi gudiiluʼ lugar tidiʼ stale tiempu para guiníʼneluʼ binni ca sti biaje, ne biʼniʼ stipa gúʼndaneluʼ laabe folletu ni láʼ ¡Zanda guibániluʼ nayecheʼ! Ca ni gaca precursor auxiliar lu beeu riʼ zanda gúnicaʼ 30 o 15 hora.

Maʼ cadi candaa zunduuxeʼ Reinu stiʼ Dios guiráʼ gobiernu ni nuu lu Guidxilayú riʼ (Da 2:44; 1Co 15:24, 25). Nga runi, gúninu biaʼ gándatiʼ lu campaña especial riʼ para guluinu nuunu pur Jehová ne pur Reinu stiʼ.