Ñee runi crécabe Jesús la?

Runi credu. Jesús peʼ guníʼ: «Naa nga neza ca, ne rusiide ni dxandíʼ ne rudiee enda nabani ni qué zaluxe. Iruti zie ra nuu Bixhoze pa cadi pur naa» (Juan 14:6). Nanna dxíchidu biete Jesús de guibáʼ para gueeda lu Guidxilayú ti gudii xquendanabani sin donda para guilá binni (Mateo 20:28). Pur guendaguti stibe ne pur biásabe de lade gueʼtuʼ maʼ zanda guicaa binni ni gapa fe laabe guendanabani ni qué zaluxe (Juan 3:16). Laaca runi credu maʼ naca Jesús Rey lu Reinu stiʼ Dios ni nuu guibáʼ ne maʼ qué zandaa zaguuni guendariuudxí lu guidubi naca Guidxilayú (Apocalipsis 11:15). Peru Jesús guníʼ: «Jma nandxóʼ Bixhoze que naa» (Juan 14:28). Runi credu ca diidxaʼ riʼ ne qué runi credu pa Jesús nga Dios ni jma nandxóʼ. Nga runi, qué runi adorardu laabe.