¡Bizulú biindané tuuxa binni de Biblia lu beeu octubre!
1. Xi zusaananenu binni lu beeu octubre.
1 Lu beeu octubre zusaananenu binni ca revista Torre stiʼ ni rapa ne ¡Despertad! Pa chuulaʼdxiʼ binni guiziidiʼ jma la? zanda guibiguétanu ra nuube ne chinenu tratadu Ñuuláʼdxiluʼ ñánnaluʼ xi riníʼ Biblia de cani huanabadiidxaluʼ la? para guzulú gúʼndanenu binni de Biblia. Guidúʼyanu ximodo zanda gúninu ni.
2. Ora guibiguétanu ra nuu tuuxa ni gucuá ca revista ca, ximodo zanda iquiiñenu tratadu Ñuuláʼdxiluʼ ñánnaluʼ xi riníʼ Biblia para guzulú gúʼndanenu laabe de Biblia.
2 Ximodo zanda iquiiñenu tratadu ca. Zanda guiniʼluʼ sicaríʼ: «Ca revista ni bisaananiáʼ lii nase que riguucani gana binni para guiziidiʼ jma de lu Biblia. [Bisaanané laabe tratadu Ñuuláʼdxiluʼ ñánnaluʼ xi riníʼ Biblia ne biluíʼ laabe ca guendarinabadiidxaʼ ni cá lu primé yaza stini.] Biblia ricabi ca guendarinabadiidxaʼ riʼ. Gunáʼ de laacani jma riuuláʼdxiluʼ». Bicaadiaga chaahuiʼ xi guicábibe lii. De racá biindané laabe xi cusiene tratadu ca de ni racaláʼdxibe gánnabe ne biyubi tobi de ca textu ni zeeda luni. Bisiene laabe rusiidiruʼ Biblia stale cosa. De racá bidii laabe ti libru Xipeʼ ndiʼ cusiidiʼ Biblia. Yanna maʼ zanda guʼnuʼ chupa cosa. Tobi de laacani nga guinabuʼ laabe guyúbibe ti capítulo lu guiropa yaza stini ne gúʼndaneluʼ laabe ca primé párrafo stiʼ tema ca. Sti cosa ni zanda guʼnuʼ nga guyubuʼ lu libru ca ti tema ni cusiene jma de ni bíʼndatu lu tratadu ca. Zanda iquiiñeluʼ cani zeeda raríʼ para guʼnuʼ ni:
● Ñee rizaalaʼdxiʼ Dios laanu la? (yaza 9-11 párr. 6-10)
● Ñee ziuu dxi maʼ qué ziuu guendaridinde ne yuubaʼ la? (yaza 12 párr. 12, 13)
● Xi rácanu ora maʼ gútinu (yaza 59, 60 párr. 7, 8)
● Ñee ziuu dxi guiasa ca gueʼtuʼ ca la? (yaza 71 párr. 13-15)
● Ximodo naquiiñeʼ guni orarnu Dios ti gucaadiaga laanu (yaza 166, 167 párr. 5-8)
● Ximodo zanda guibáninu nayecheʼ (yaza 9 párr. 4, 5)
3. Xi zanda gúninu pa pur xiixa razón qué ñanda nuzulú nidúʼndanenu tuuxa de Biblia.
3 Primé biaje guibiguétaluʼ ra nuu binni, biʼniʼ stipa pur guzulú gúʼndaneluʼ laa ra iquiiñeluʼ libru Xipeʼ ndiʼ cusiidiʼ Biblia. Pa pur xiixa razón qué ñanda ñúniluʼ ni la? gudxi laabe zabiguétaluʼ sti dxi para gusiidiluʼ laabe jma. Ne pa gúʼyaluʼ riuuláʼdxibe guiziidibe jma la? zanda gusiéneluʼ laabe xcaadxi guendarinabadiidxaʼ ni zeeda lu tratadu ca xcaadxi biaje chigannuʼ laabe ante gusaananeluʼ laabe libru ca. Nga runi, iquiiñenu tratadu riʼ jneza lu beeu octubre para guzulú gúʼndanenu binni ni nayá ladxidóʼ de Biblia ti gánnacaʼ ni dxandíʼ (Juan 8:31, 32).