Chiguidxaa caadxi cosa lu guendaridagulisaa ni raca ndaaniʼ semana
Dede semana 3 stiʼ septiembre, Guendaridagulisaa ra Riuundaʼ Biblia maʼ qué zandaa ni veinticinco minutu, sínuque maʼ treinta. Ni chigutiidiʼ ni ca zaquiiñeʼ ti minutu ora guzulú para guiníʼ xi biziidicabe semana gudiʼdiʼ ca. Guendaridagulisaa stiʼ Dxiiñaʼ Stinu ca laaca zadxaa ni. Maʼ qué zandaa ni treinta y cinco minutu, sínuque maʼ treinta si. Maʼ qué zaree ndaa ni láʼ «Cani chiguieeteʼ». Yanna la? xiixa ni naquiiñeʼ guieeteʼ zaníʼcabe ni lu primé ndaa stiʼ Guendaridagulisaa stiʼ Dxiiñaʼ Stinu. Stale biaje huaxiéʼ nga ni zuzeetecabe, ne nuu biaje gastiʼ, purtiʼ maʼ cadi naquiiñeʼ guieeteʼ cani chitiidiʼ lu guendaridagulisaa ca. Maʼ cadi naquiiñeʼ guieeteʼ pora chigucheechecabe diidxaʼ o tu chigusiá ndaaniʼ Yoo stiʼ Reinu. Laaca maʼ cadi naquiiñeʼ guieeteʼ ca diuxi ni guseendacabe (km 10/08 yaza 1 párr. 4). Pa zaquiiñeʼ tiempu para guzeetecabe xiixa la? cani chigutiidiʼ libana ca galán gánnacaʼ ni dede ante ti gusaanacaʼ tiempu para laani.