LECCIÓN 17

Biquiiñeʼ diidxaʼ ni cadi nagana

1 Corintios 14:9

RESUMEN: Gucané ca binni cucaadiaga lii guiénecaʼ ni cayábiluʼ laacaʼ.

Biʼniʼ estudiar chaahuiʼ información stiluʼ. Naquiiñeʼ guiene chaahuiluʼ tema stiluʼ ti cadi gaca nagana para lii gusiéneluʼ ni ne ganda gúniluʼ ni né ca diidxaʼ si stiluʼ.
Biquiiñeʼ frase nachucu ne diidxaʼ ni cadi nagana. Neca gastiʼ naca iquiiñeluʼ frase ziuulaʼ, jma galán iquiiñeluʼ frase nachucu para gusiéneluʼ ti puntu principal.

Cadi guzeeteluʼ detalle ni cadi caquiiñeʼ purtiʼ zuchéndaluʼ cani cucaadiaga lii ne zusidxágaluʼ laacaʼ. Cadi iquiiñeluʼ diidxaʼ nagana. Jma galán iquiiñeluʼ diidxaʼ ni riene binni.
Bisiene ca diidxaʼ ni huaxiéʼ runibiáʼ binni. Cadi tan iquiiñeluʼ cani ne pa chiguzeeteluʼ ti diidxaʼ nagana, chiguiniʼluʼ de ti binni ruzeeteʼ Biblia, ti medida o costumbre ni guyuu dxiqué, peru huaxiéʼ runibiáʼ binni ni la?, bisiene ni.