LECCIÓN 11

Guníʼ né entusiasmo

Romanos 12:11

RESUMEN: Guníʼ de guidubi ladxidoʼloʼ para guni motivarluʼ ca binni cucaadiaga lii.

Biʼniʼ preparar ladxidoʼloʼ. Ora gaca prepararluʼ la?, guníʼ ique pabiáʼ risaca ni chiguiniʼluʼ. Biʼniʼ estudiar chaahuiʼ información stiluʼ ti guihuinni nuuluʼ seguru de ni caniʼluʼ.
Guníʼ ique ca binni cucaadiaga lii. Guníʼ ique pabiáʼ zacané ni chiguiniʼluʼ o ni chiguundaluʼ xcaadxi binni. Guníʼ ique ximodo guni presentarluʼ información stiluʼ ti guiene chaahuiʼ cani cucaadiaga lii xii laa ni ne gúʼyacaʼ pabiáʼ risaca ni.
Biyubi modo chuuláʼdxicabe mensaje stiluʼ. Guníʼ né entusiasmo. Bisihuinni xi cayuni sentirluʼ pur modo guni luluʼ, ti gúʼyacabe dxandíʼ ni ne cadi guni exagerarluʼ ca ademán stiluʼ.

Biʼniʼ stipa para cadi gúniluʼ ti clase si gestu, pacaa zuni distraerluʼ cani cucaadiaga lii. Pa chigúniluʼ ti gestu la? biiyaʼ pa laa ni nga caquiiñepeʼ gúniluʼ. Guníʼ né entusiasmo ora chiguzeeteluʼ ca puntu principal o para guni motivarluʼ cani cucaadiaga gúnicaʼ xiixa. Pa guiráʼ ora guiniʼluʼ né stálepeʼ entusiasmo la?, zusidxágaluʼ cani cucaadiaga lii.