LECCIÓN 10

Biʼniʼ modular voz stiluʼ

Proverbios 8:4, 7

RESUMEN: Bichaa volumen de voz, tono ne ritmu stiluʼ, para ganda gusiidiluʼ ca idea stini jma claru ne gucuaaniluʼ ca emoción stiʼ ca binni cucaadiaga lii.

XIMODO GÚNILUʼ NI

Bichaa volumen stiluʼ. Bidxiibahuiiniʼ lu voz stiluʼ para guni resaltarluʼ ca puntu ni jma risaca ne guni motivarluʼ ca binni cucaadiaga lii. Zaqueca biʼniʼ ora gúʼndaluʼ ti sentencia stiʼ Dios. Gundeteʼ lu voz stiluʼ para gucuaaniluʼ emoción stícabe o para guiníʼ íquecabe ximodo nuu tuuxa ni cadxibi o nuu xizaa.

Cadi gatigá gudxiibaluʼ lu voz stiluʼ, pacaa zuni sentir cani cucaadiaga lii cadíndeneluʼ laacaʼ. Biʼniʼ stipa cadi guni exagerarluʼ para si guyadxí binni lii.
Bichaa tono stiluʼ. Guníʼ né ti tono de voz agudo para gusihuínniluʼ guendanayecheʼ o para guiniʼluʼ de xiixa nahuiiniʼ o naroʼbaʼ o de xiixa ni nuu zitu. Biquiiñeʼ ti tono de voz grave para guiniʼluʼ de tuuxa ni nuu triste o tuuxa ni nuu xizaa.
Bichaa ritmu stiluʼ. Guníʼ nagueendahuiiniʼ pa racaláʼdxiluʼ guni transmitirluʼ entusiasmo. Guníʼ jma chaahuiʼ pa chiguzeeteluʼ ti puntu risaca.

Cadi nagueendaca guchaaluʼ lu ritmu de voz stiluʼ, pacaa zuchíbiluʼ cani cucaadiaga lii. Cadi guchaaluʼ modo riníʼcabe ti diidxaʼ purtiʼ si nuuluʼ guiniʼluʼ nagueenda.