Wai Rengbe Oni Ka Yugo Gaoni Du Niruruse fu Yekova?

Oni ru kina bara koyo du Mbori ni. 1 Petero 5:​6-9

Oni bandatironi ti manga agu asino aboro nga gu adunga ngbanya dagbaha na Ziazia Kekeapai ya. Si naida oni du na wingbaduse tipa ka manga gipai re.

Ka oni rimisingo tironi kurogo gu birĩ zogarago nga ga rikaaboro ya; i asongodanga Yekova na gako Kindo te.

Oni mangi ruru siapai na ki degeturoni fu Mbori. Matayo 7:​24, 25

Oni koditironi na aDezire Yekova; i nika undo roni aundo oni mbedi na Mbori.

Oni ndu kumbatayo kindi na wirikapai tipa Mbori na kini asadi tipa kaa irisa gako arugute.

Ka gaoni idapase nyaki, oni kpara gaoni raka fu Yekova na ki zi bapatiza. ​—Matayo 28:19

Oni degeturoni fu Mbori. Oni gedi Ziazia Kekeapai, na ki sana boro sa dagba aDezire Yekova ní undo roni oni girogoyo wenengai. Fuani, oni kini mangi agu apai oni awirikaha. Ka oni mangihe wo, oni nika raka araka nyeanye kindi.​—Atambuahe 37:29