Agu Asanahe Ziazia Kekepai Akaragapai Kutini

Tipagine i ayamba Yesu ti ni nga Wiri Mbori?

Mbori na ndikidi dee beko ko avungu agude naari te. Ko nga Bakusi unga ahe dunduko. Mbori akusi aboro rogo gu gene nga i wiriki asinoko. Si nga ndu gupai i ayamba gu bambata boro Mbori akusiko nga Adamu ti ni nga “wiri Mbori.” Wakina gure a, i nayamba Yesu nga “Wiri Mbori” bambiko i akusiko na agu asino du wakina ga Bako.​—Oni gedi Ruka 3:38; Yoane 1:14, 49.

I akusi Yesu ti gini regbo?

Mbori akusi Yesu mbata fu ko kusi Adamu. Nirengo, Mbori akusi Yesu mbata kini ru ka mangasunge naako tipa ka kusa kura ahe kodihe na amaraika. Si nga ndu gupai Ziazia Kekeapai ayamba Yesu ti ni nga “bambata vungu fu agu ahe dũ i afu.”​—Oni gedi AKorosaio 1:15, 16.

Mbata fu i vungu Yesu Betereme yo, ko aima raka mbata ngbangbaturũ yo nitoro. Ho regbo adani, Mbori aˈaria ga Yesu raka ngbangbaturũ yo ku rukumbu gu de yo nangia Maria tipa ri vunguko niboro.​—Oni gedi Ruka 1:30-32; Yoane 6:38; 8:23.

Tipagine Mbori aidihe ti ni i vungu Yesu auru kpotosende ane niboro? Gini kparakpara sunge Yesu adigisihe? Oni rengbe ka gbia akaragapai kuti agi asanahe re rogo Ziazia Kekeapai, na si nika kiiso gaoni giarogopaiyo na ki saroni oni duna tambuahe tipa gupai Mbori na Yesu namangihe tipa roni.