Gu Ndupai Ziazia Kekeapai Nabati Ti Ni

Ziazia Kekeapai ima bata. Ni sangbanaha, mo rengbe arengba kadu na ni bero na kini gedihe areme. Na ho mo asia wene sasa fugo Ziazia Kekeapai ni, mo ima rengba kadu na kido nga mo nageda kina boro gu i akehe ti tonatonaha, na mo naima rengba kadu na kido kuti ni.a Ono gini ndupai du Ziazia Kekeapai nabati ti ni ngba iiriwo gene be pa kuruko ho, pa soga aboro ho, na pa asada aboro ka aria gaha pangbanga rogo wia yo? Ginipai tigaha du kia tipa gi buku re?

Badungu abawiriki Ziazia Kekeapai da kina kuti gu bangisapai gu mokedi nangia Pauro ada kuti ni nga: “Ziazia Kekeapai dunduko si aye be ga Mbori Toro.” (2 Timoteo 3:16) I idi kuti gupai nga Ziazia Kekeapai bati mbiko si nga kparakpara Fugo Mbori na mbiko gupai nga Mbori ima bandaha da ku areme. Faizal i nafura tipa ko ti tonatona gi magazini re adiberã ka wisigo gupai re nitiko ni wirika ko Baibiri. Ngbako aima zera mbiko gupai ko akuru baraha. Fuoho aimanga te ko ki wiriki gupai nga badungu agu ayugopai moipai areme rogo agu apambori naya si nga ga aKristano si rogo Ziazia Kekeapai te. Kurigure, ga Mbori mbakadapai tipa kpotosende du rogo Fugo Mbori yo aima zio ngbaduko yo.

Ko aya: “Mi ima ida kuti gupai awere nga gu Ziazia Kekeapai du bere nga gamunihe be Mbori. Kurapai berewe nga, kangia Mbori rengbe arengba ka mbakada zegino, ya mo ko arengbanga ka fu buku furani na ki bandaha te? Ka ani gumbaha wo, si du wa ka i ya ani naumbasi pa gu ome du Mbori na ni. Ka umbasipa gu ome nga ga gu Mbori du na Tanduapai Dũ, da nga mi ka mangihe wo?”—Yesaya 40:8.