Mo Nabi Ziazia Kekeapai Wai?
Ya mo mo nabihe nga . . .
si nga gu kitabu aboro akehe na gayo tatamana nitiyo?
si nga kitabu apaturẽ?
si nga Fugo Mbori?
GUPAI BAIBIRI APEHE
“Ziazia Kekeapai dunduko si aye be ga Mbori Toro.”—2 Timoteo 3:16, Ziazia Kekeapai, 1978.
WAI RENGBE GUPAI RE KA UNDO RO
Si nakaragapai kuti agu asanahe nyakipaha gbe.—Asanza 2:1-5.
Si nafu wene arugute fu boro tipa wai si aida ní naaraka gani raka.—Atambuahe 119:105.
Si nafu ndikidi maabangirise kumbatayo.—ARomo 15:4.
YA MO NDUPAI HO NZUNZU ANI IDI KUTI GUPAI BAIBIRI APEHE?
Ii, ani bingo nduapai biata:
Sangbaha avundongo tihe te. I ake Baibiri vuru agarã susi 1,600. Akumba 40 nibakiakia nakehe. Badungu aguyo aabingo tiyo dagbatiyo te. Ono wa vura duhe wo, Baibiri naabaha dunduko nafura tipa kina banguapai sa, si avundongo tihe te!
Abakehe aokanga kura apai te. Badungu abake kuru apangbanga ninaaoka agu adiabese aoka kura aringara adu nani kurii gayo ringara. Ono tipa abake Baibiri tigayo, i afura kpadio tipa gayo aingahe na ga agu aboro nadu rogo gayo ringara.—2 Pekapai 36:15, 16; Atambuahe 51:1-4.
Gaha sangbaanebi nada ti rengo. Baibiri agumba pa gbarasa gu gbata nangia Babera agarã 200 mbata fu si mangi. (Yesaya 13:17-22) Anga si agumba kina pa gu gene sa i aandu ka gbarasa Babera ngbaha te, ono si aima gumba rimo gu boro a naandu ka gbarasaha!—Yesaya 45:1-3.
Badungu gu kura sangbaanebi adigisi tihe a na agu afutufutuhe dunduko. Ati si nga gupai si aida si du tipa Sangba Mbori?—2 Petero 1:21.
MO BERẼNGA KURII GIPAI RE
Wai rengbe Fugo Mbori ka mbakada gamo raka?
Baibiri nakaragapai kuti gu sanahe re rogo YESAYA 48:17, 18 na 2 TIMOTEO 3:16, 17.