Agu Apai Du Rogoho

Bange amozunga wai mo namangihe fu Yekova? Sa, ue, watadu biata? Ya mo mo nabihe nga mo naraka ringbisihe kutini wa rengbe omero na ni? Na ga mozunga kparatise fu Yekova watadu ga mozunga nga ga rogatise? Gi kekeapai re natingida rani na gu wene akpiapai aYepeta na Ana amoihe furani wa ani amanga ome kaa digiso gaani amozunga fu Mbori.

Dedede, ani naaberãpa kina agu ahe Yekova nika fuhe furani Paradizo yo, ono rogo gi kekeapai re, ani nika fura tipa agu apai ko nika diaha kusayo. Gini apai Yekova nika diaha kusayo tipa ka mbakada gu zegino nika du na zereda gbiati ngbarago rogoho? Makiapa karagapai kuti gu sanahe re nika nyakasa gaani idapase gbiati gaani diaberã ka hipai.

Ho ani aida ni kuti gupai nga i ima manga rani ngba iraira gene watadu ani bi gupai nga i mangi fu kura boro ngba iraira gene, gaani idapase, umbasitise gbiati padu ni ruruse ima rengba kadu ni asadiasadihe. Gi kekeapai re nika fura tipa apangbanga biata nga ga Ziazia Kekeapai nga gu nika undo rani ani du na gu bangisa bipai du Yekova na ni tipa ruru sarangbanga.

Wa vura duhe nga he ho Yekova aidaha berani te; ko na ngbarago ka bi gu asadatise ani amangaha ka songoda gako bakere pagbia. Abasapungbanga kapita 4 na 5 nayugo wai du Yekova na tambuahe ho ani afu tirani ni nitirani ka manga gako arugapai.