Ya Mo Oni Amangingo Sunge Bazakigene Mbata?
1. Gini momu dungu aboro agbiaha, ono gini kurapai namangi tipa agu akurayó?
1 Tipa dungu agarã, akutu aboro aima duna momu beyo tipa ka ‘yugopai na kini tungusipa Yesu ya ko nga Kristo’ ni gu ga Mbori abamangisunge natungusapai ti aregbo dunduko. (Amo. 5:42) Ono tie, akurayó aima mbu sunge abazakigene tipa kura nduapai. Kangia oni amangisunge mbata ni bazakigene, ya mo oni wisigingo agu apai du tipa roni awere na ki bihe singia oni rengbe ka tona mangasunge berewe ni bazakigene?
2. Tipagine si aida kuru abazakigene wisigi agu apai ti ni du tipa yó awere?
2 Apai Naʹaria Tihe Aria: Si rengbe kadu nga, gupai nasa roni oni mbu sunge bazakigene si awere berewe te. Nikpiapai, kangia oni ambu sunge bazakigene mbiko oni arengbanga ka gbia asaa 90 rogo diwi sa te, ya mo oni rengbe ka tonaha awere wa i nagbisi agu asaa re kuti 70? Ya mo ome bakere sunge watadu agu apai du tipa gaoni aborokporo ima zogora ti gu oni adu nani mbata ho oni amangasunge ni nibazakigene? Wirina sa nga guri nambu sunge abazakigene mbiko kaza atonaha berewe ho garãri adani nga 89. Si aima diari na gbanga regbo ka ri adogodanga ku bambungua yo ya, ri kini mo ka bihe nga ri rẽ arẽ tipa ka mangasunge abazakigene berewe!
3. Wai rengbe aborokporo ka undo boro dagba gayó aborokporo ní mangisunge bazakigene?
3 Si rengbe kadu nga oni amanganga sunge bazakigene mbata te, ono boro kinaho sa dagba gaoni borokporo nambu sunge bazakigene tipa ka ngerafuo aborokporo, ngbatunga aguyo duwa gbinza avunguni. (1 Tim. 5:4, 8) Kangia wo duhe, ya mo oni gbiati kura gaoni aborokporo rengbe ka undo ní ní tona sunge bazakigene berewe? Tipagine ka oni asakanga gupai re ti ni wadu oni ni aborokporo ya? (Snz. 15:22) Ho aborokporo agia tiyo ni tipa boro sa dagba gayó aborokporo mangisunge ni bazakigene, i dunduko nika bi tiyo wa i du namanga gu sunge re.
4. Ginipai rengbe oni ka mangaha ka si dunga oni arengbanga ka mangasunge ni bazakigene awere te?
4 Ka rago gberẽnga tironi ya kangia agu apai du tipa roni ambugene furoni awere tipa oni mangisunge ni bazakigene te. Padu oni na nyemu ka mangaha nafu ngbarago afu Yekova. (2 Kor. 8:12) Oni mangisunge na gu inohe oni agbiaha ni bazakigene awere gene tungusapai yo. Oni kpari fu Yekova tipaha, na kini ngere tipa agu amomu rengbe ka kura wa ka oni mangi ariapai tipa agu apai du tipa roni. (1 Yo. 5:14) Isoke, kusa, Yekova nika zaka ‘gu bakere ngbadimo furoni nazaka sa bakere sunge’ wa ka oni ruho berewe ka tona gbia gu ngbarago oni anaagbiaha ti sunge bazakigene!—1 Kor. 16:9.