Oni Mangi Dezirepai Babagaahe yo na Kido
1. Tipagine si aidanga ti ni ani du zanga kido ka si du nga ani nagunde agunde ka manga dezirepai babagaahe yo ya?
1 Ya mo oni nagunde agunde ti manga dezirepai babagaahe yo? Ka si duwo, oni ini gupai nga gunde rengbe arengba ka guari tironi kusayo, bambiko zavura Pauro, nangia gu kumba naadunga na gunde tiko ya, regbo kinaho si aidi ko duadu ngangara tipa ka tungusapai. (1 Tesa. 2:2) Bete agu apai abatungusipai naabakabangiriyo nani gi du kusende re na agu aberãpai rengbe ka undo.
2. Tipagine si aidanga ti ni ani bakibangirani nga ani nika ba gberarago ti aboro ya?
2 Ya Mo Rago Agberã ti Aboro Mbiko Ani Fudiyo ti Gayo Sunge? Rogo agu aba nga ga bagaahe, agu aboro namangasunge yo namangaha fu agu aboro naye fuoyo na i ima ino nga fuda nikadu adu. I na ngbarago ka bi boro ní niye fuoyo bambiko i nabi ní wa gu boro naye ka ngbe he. Ka oni vorokoo niiriirihe na kidu wa bakure, i rengbe arengbe ka manga roni niirisa.
3. Wai rengbe ani ka he ba gberarago ti agu aboro naye ka ngbe he?
3 Mi Nika Fura Barabangiri Dungu Aboro? Ka gene du, oni ndu ku babagaahe yo ti gu regbo angenga aboro yo ya, wa gu nga ho i azaka azaka ni. Oni sungudi gu regbo bamangisunge nikadu nisani oni kini ru ka ndu fuoni. Oni fura niguruhe.
4. Ginipai rengbe ani ka gumbaha ho ani amangasunge ni babagaahe yo?
4 Ginipai Si Aida Mi Gumbaha? Ka si du nga nge aboro ange namangasunge rogo gu ba re, oni fura fu gu boro nangerakurii sunge. Oni rengbe ka yaa: “Si nimbumbuhe ka gbia ngbatunga agu aboro namangasunge wa oni were kporoyo, si du ye ani ti ni kina ku ba gaoni sunge no. Ani ima ino nga oni namangasunge, ono ani nika fura niguruhe gbua.” Si angba gbe ka ani sananga gu boro re tipa ní fu marã si songodi gaani sunge ya, kinagu ka kina ní sanahe tipa wai ani naagbia marã kaa kusa gaani awaraga nani. Ringbisihe kuti gini ngbatunga ba du ngaha, oni rengbe arengba ka sana bangerekuriisunge tipa ní idihe furoni oni fura niguruhe na gani abamangisunge. Oni tona fugo kina wai oni nitonaha na bangerekuriisunge. Ka si du nga bamangisunge na bakere sunge tiní, oni gurusi gaoni fugo ki fu trakte funi. Ka gene adunga wa ka oni fura na abamangisunge ya, bangerekuriisunge rengbe arengba ka ida oni mbu awaraga fuyo i gedihe kusa.
5. Gini nduapai duho tipa tungusapai babagaahe yo na kido?
5 Yesu na Pauro anaatungusapai fu aboro ba gayo asunge yo na kido, na oni rengbe ka mangaha kinawo a. (Mt. 4:18-21; 9:9; Amo. 17:17) Oni sana Yekova ko undo roni oni duna zezeredi ngbaduse na ki he gunde. (Amo. 4:29) Babagaahe nga gu ba ka ani ahenga gbia aboro rogoho ya, sidu, si nga bawene ba tipa tungusapai. Oni asadingo ho!