Kpia Wai ka Kparaka Amagazini

Tipa ka Tona Wisigo Ziazia Kekeapai na Aboro Rogo gu Bambata Rago Nzengu Nga ga Ngi

“Badungu aboro na gayo bipai tipa Mbori nibakiakia. Gu kura aboro naberã gupai nga Mbori nga gu ome ka aboro aruganga tiyo na paha ya. Agu akurayo nibi ko ni gu Ba du ngbangbaturũ yo kidu na nyemuse tiko. Mo nabihe tigamo nga Mbori wai?” Oni mbu ní tipa ní karagapai. Oni yugu gii gu Ngbaõbambu Sinziri yo funi nga ga Ngi 1, na ki saki gupai na ní wa sa du tii bambata sanahe na ki gedi veresi kandara sa dagba agu averesi duho. Oni fu gu magazini re funi, na ki mangi mbakadapai tipa ka ye berewe ka karagapai kuti gu sanahe ngbefuo gure.

Ngbaõbambu Sinziri Ngi 1

“Ani ye ka bi roni niwiri guruhe ka fura tipa gu pa rungo nagbia aboro dunduko—pa kpio gu boro ani akpinyemuni. Ya mo ziree ngaha nga pakpio gume boro watadu bakurea boro nga yangara gbegberẽpai kisusi? [Oni mbu ní tipa ní karagapai.] Badungu aboro nagbia wasa ti geda gi veresi re rogo Ziazia Kekeapai. [Mo gedi Yesaya 25:8.] Gi magazini re nasakapai tipa gu bawene kidohe du rogo Ziazia Kekeapai tipa digiso kpio na ki zingisi agu aboro naima kpi.”