MO FU TIRO SA SUNGE TUNGUSAPAI
Mbakada Gaani Gene Tungusapai—Mo Mbakadi Gupai Mo Nika Gumbaha Tipa Kafu Magazini
NDU GUPAI DUHE TI NI NA NYANYAKIPAHA: Wa vura duhe nga gu kpia wai ka kparaka awaraga nga gu nakura rogo waraga dunguratise nafu wenewene aberãpai furani, si gbua tipa ka undo rani. Si naida mo mangisunge na kina boro gu afugo naye ngbaduroyo. Mo rengbe ka bihe nga gu kura tona fugo kia watadu kura riipai rengbe ka ngba gbe ti aboro rogo gamo dagbarago. Kangia wo duhe, fuo geda mo magazini, ki wisigi kpia wai ka kparaka awaraga, na ki bi gu vidio du na kpia wai ka kparaka awaraga, mo ima rengba ka mangasunge na agu aberãpai du kusende re ka mbakada gupai mo nika gumbaha.
WAI RENGBE BORO KA MANGAHA:
Mo sana tiro nga, ‘Ya mo mi rengbe ka mangasunge na berãpai sa dagba agi akpia wai ka kparaka awaraga du kusende re?’
II
Mo mbakadi wai mo nika tona fugo. Fuo fu mo sene, mo gumba ndu gupai mo niye ti ni. (Ni kpiapai: “Mi ane bambiko . . . ”)
Mo makiapa gu sanahe mo nika sanaha, na gini veresi mo nika gedaha, gbiati gu waraga mo nika fuhe. (Ni kpiapai: Tipa ka geda Ziazia Kekeapai, mo rengbe ka ya: “Wene karagapai kuti gu sanahe re gu du ane.”)
OÓ
Mo mbakadi gu sanahe mo nika karagapai kutini ho mo nika karaga tiro ni berewe fuoni
Mo keke guruguru apai nga gu nika undo ro mo tingidi gupai mo aida ka gumbaha
Mo sia riipai sa rogo magazini nga gu mo abihe nga si ima rengba ka ngba ti agu aboro du rogo gamo dagbarago
Mo mbakadi gu sanahe mo nika fuhe si fõngbadu irakporo tipa ni gumba gani bipai nga gu rengbe ka sa fugo si ndu kumbatayo, ono ka mo kotosi nga ni ya. (Ni kpiapai: Agu asanahe du ti ue kpewaraga nga ga magazini.)
KANGIA PAI DAGBAHA YO AIMA MANGA RO
Mo sia gu veresi mo nika gedaha.
Mo mbakadi genefugo sa watadu ue nga gu nasakapa wai irakporo nika gbia undo ti geda gu kekeapai re