Mo Naaberã pa Yekova ti Aregbo Dũ

Ho duhe ni ni kpakarakpakaraha tipa ka gbia sunge marã, si ima rengba kadu furani ni kpakarakpakaraha tipa ani moi pa ga Mbori Kindo mbatayo ni bambatapai rogo gaani raka yo. Gipai re ima rengba ka sa rani ani idi pa gu sunge nika saha furani ni kpakarakpakaraha tipa ani irisi Yekova watadu nakuo gu bangua arengo nga ga Baibiri. Ono tie, ani ima rengba kadu na gu kido nga Yekova nayugo pa gako nyaka “fu agu yo du kpotoyo yo ziazia koyo du ko ni.” (2Peka 16:9) Pai ho rengbe ka ká na gu Barani nga ga nyemuse ko ti undo rani na ti fuko guhe ani aida na ni te. (Rom 8:32) Sidu, ho ani manga diaberã ni tipa sunge marã, si naida ani kido kuti Yekova na kini moiberãrani kina kuti iriso ko.—Tam 16:8.

ONI MOI GU VIDIO NGA MO MANGISUNGE FU YEKOVA NA KPOTOROYO DŨ, FUOHO, ONI KI KARAGAPAI KUTI AGI ASANAHE RE:

• 

  Tipagine Jason aká ti ni ka dia marã mobirimo?

• 

  Waigu Akorosaio 3:23 abi rani?

• 

  Wai ga Jason wene kpiapai adu na maapai kurii Thomas?

• 

  Waigu Matayo 6:22 abi rani?