Noa Ambakadi Bakurungba

NOA adu na diako ti ni na awiriko biata nga akumbagude. Rimo awiriko angia Seme, Ama, na Yepete. Awiriko adu na adiayo ti ni. Sidu, aboro adu muambe rogo gu kporo nga ga Noa.

Mbori aya fu Noa ko mangi gupai naadu ni kpakarakpakaraha. Ko aya fuko ko mbakadi bakere kurungba. Gu kurungba re aduwa bakere gbanga sanduki. Mbori aya fu Noa: ‘Mo kparaka rogoyo biata kuari’ na ki ‘kparaka avuruhe yo ku rogo abambu.’ Agu abambu re adu tipa Noa na gako aborokporo, anya, na riahe.

Mbori aya fu Noa ko diko vuru kurungba yo tipa ka ime rimingo ku vuruhe yo ya. Mbori aya: ‘Mi nika keda ime akangbii ka gbarasa zegino na ni dunduko. Agu aboro nikaa dunga vuru kurungba yo ya i akpiko dunduko.’

Noa na awiriko agisangba Yekova ki tona mbakada kurungba. Ono gu kura aboro aamoma yo amoma. I anye ni kina gbegberẽ aboro kindi. Boro ho naidi kuti gupai Noa agumbaha ki ya Mbori nika mangaha ku mbatayo te.

Si aima dia dungu agarã tipa ka mbakada gu kurungba re bambiko si adu ni kikiihe gbe. Ho sungehe anyasi ni, Mbori aya fu Noa ko rimisi anya ku vuruhe yo. Mbori aya ko rimisi anya ni ba-ue-ue, bara na nara. Ono tipa kura anya, Mbori aya ko rimisi ra ni ba-saba-saba. Mbori aya fu Noa ko rimisi azire ngba arikara dunduko. Noa amangi kina gupai Mbori aya fuko ko mangihe.

Tingbafuo gure, Noa na gako aborokporo arimi ku kurungba yo a. Mbori ki kisi ngbadimo kurungba. Ho i adu ni vuru kurungba yo, i atona ka sungudo mai. Mo moingo tiro nga oni sungu vuru kurungba yo na agu aboro re kaa sungudo mai. Ya mo ime akangbii aye a wa Mbori agumbaha?