Ginipai Si Aida Ani Mangihe Tipa ka Sa Ngbarago ti Mbori?

Oni ne gbegberẽ apai. 1 AKorindo 6:​9, 10

Ka ani akpinyemu Yekova, ani mangingo gupai ko asogaha te.

Yekova aidanga ani dĩhe te, ko aidanga ani kpibuda te, na ko aidanga ani di kere angua kutii kpotorani yo te.

Mbori aidanga na imo boro, ba gude vuseyo, gbiati gupai nga kumba kodiba na kurani te. Ko aidanga ani takpata watadu kadu ni airangbaduse te.

Si aidanga ani irisi kpiahe watadu ka manga sangbaatoro te.

Ho kpotosende nika da ni nga paradizo, ba adunga tipa agu aboro namanga gbegberẽ apai te.

Oni mangi weneapai. Matayo 7:​12

Tipa ka sa ngbarago ti Mbori, si naida ani asadi kadu wakina ko.

Oni yugu nyemuse fu kura aboro nidu oni ni aboro weneringise na ni agu aboro nagamahe.

Oni nigumba kina rengo.

Oni du ni aboro inapai na kini mbupai fu akuaroni.

Oni fura fu kura aboro tipa Yekova na gako agene.​—Yesaya 43:10.