Da Nzunzu Nazoga gi Zegino Re?

GUPAI BAIBIRI APEHE

“Zegino dunduko du ni zogozogo ho be gbegberẽ ko.”​—1 Yoane 5:19, Ziazia Kekeapai, 1978.

“I ayugu Wiri Mbori tipa . . . ko gbarasi ga bakitingbanga mangaapai.”​—1 Yoane 3:8.

WAI RENGBE GUPAI RE KA UNDO RO

Si nasaka ndu gupai zukazuka aboro arungo ti ni areme.​—Yugoti 12:12.

Si nafu ndupai foro mo idi kuti gupai nga uru adu kinaho zegino nika satihe niwenehe.​—1 Yoane 2:17.

YA MO NDUPAI HO NZUNZU ANI IDI KUTI GUPAI BAIBIRI APEHE?

Ii, ani bingo nduapai biata:

• Ga Satana zogarago nika gburuwa agburuwa. Yekova ima diaberã tipa ka nyasa riipa gu pagbia du Satana nani kurii aboro. Ko kidohe nga ko nika ‘gbarasa bakitingbanga’ na ki di gu gbegberẽ apai dunduko kusayo ko naye nani kurii aboro.​—AEbere 2:14.

• Mbori sia Yesu Kristo tipa ko zogo zegino. Yesu tigako kia ti gu gbegberẽ ringiringi bazogo du awere, nga Satana. Nibipa gu zogarago nga ga Yesu, Mbori akidohe nga: ‘Nunga rurungbura boro adu ti ko na irazingo ahe a. Ko atumo ungayo be bau pai na zuu.’​—Atambuahe 72:13, 14.

• Mbori arengbanga ka gumba zire te. Baibiri nagumba gupai zukazuka nga: “Mbori arengba nga na gumba zire” te. (AEbere 6:18) Ho Yekova amanga kidohe ni nga ko nika mangapai, ko duwa ka ko mangihe. (Yesaya 55:10, 11) “Gbia gi zegino re i abá ko aba.”​—Yoane 12:31.