Oni Tingidipa Dia Roto

Roto araki na tame bako nangia Abarayama rogo ringara Kanana. Niyangaraha, Abarayama na Roto adu na bakere anya beyo ka ba arengbanga tipa yo dunduko ya. Abarayama aya fu Roto: ‘Ani arengbanga ka raka rogo bangisa ba sa te. Mo sia gu ba mo aida ka ndu ku rogoho, na mi ki sia gu kuraha kia.’ Abarayama angia wene boro, nga wo te?

Roto abi wene rago naadu mbembedi na gu gbata nangia Sodomo. Ime adu rogo gu rago re ni bakerehe kodihe na wene nvuo a. Sidu, ko asia gu rago re na ki ga na gako aborokporo koyo.

Aboro Sodomo gbiati gu gbata naadu pati ni nga Amora angia gbegberẽ aboro. Nirengo, gayo mangapai aima gberã ni kerehe Yekova ki diberã tipa ka gbarasa agu agbata re. Ono Mbori aaida ka batasa Roto na gako aborokporo, sidu, ko ki kedi amaraika ue i zayo nga: ‘Oni mangipai ni ipo! Oni kuru rogo gi gbata re kusayo! Yekova nika gbarasaha.’

Roto aguaringa nibasa te. Ko atona ka keesa. Sidu, amaraika ki azi Roto, diako, na awiriko ue nga adegude ti abeyo ka kusayo vuru gu gbata re niya: ‘Oni oro! Oni oro ka batasa ungaroni, na ka oni ngerenga kusayo ya. Ka oni ngere kusayo, oni ka kpi!’

Ho i ada ni rogo gu gbata nga Soara, Yekova asa gupai nga baruti na we na kurii Sodomo na Amora. Pa agu agbata du ue re agberẽ kusayo. Ho dia Roto abasasangba Yekova ni na ka ngera kusayo, ri asa tiri ni mbia tikpo! Ono Roto na awiriko aima bata mbiko i agisangba Yekova. Si nawira wa rago aima gberã tiyo ka bi gupai nga dia Roto abasasangba Yekova. Ono i aima du a na ngbarago nga i agisangba ga Yekova arugute.