Tonatona Afugo Nga ga Paparaha 11

Gi paparaha re nafura tipa agu apai du rogo Vovo Ndiko yo. I avungu Yesu rogo rungorungo ngbadimokporo rogo tooni wiri gbata. Ko amangisunge na bako nangia bakpengua. Si adu nga Yesu du nika batasa aboro. Yekova aima siako ni Bakindo gu Kindo nga ga ngbangbaturũ. Kangia vungugude nga mo, mo undo wiro wenengai u rugu tiru na pa wai Yekova asia gu ngbadimokporo na gu ba si adu nga Yesu nika sona rogoho. Mo wisigipa wai Yekova abanda Yesu ka Erode imingo ko ya na wai apai arengbanga ka rugusa ga Yekova ringbisapai ti manga ya. Mo wiriki wai Yekova afu sunge fu Yoane ko mbakadi gene fu Yesu. Mo nyakasipa wai Yesu ayugu gupai nga zavura ho ko adu ni ni tooni gude, ko akpinyemu ga Yekova tatamana.