Tonatona Afugo Nga ga Paparaha 12

Yesu ayugupai fu aboro tipa gu Kindo nga ga ngbangbaturũ. Ko ayugu gupai fuyo a nga si naida i kpari tipa rimo Mbori si du ni taasitaasi he, tipa gako Kindo ye na tipa gupai ko akpinyemuhe mangi auru kpotosende. Ka singia vungugude nga mo, mo sakirogo gupai yo fu wiro gi kparakpee re ayugoho furani. Yesu aambunga gene fu Satana ko gbarasipa gako du ni ruruse te. Yesu asia gako amokedi na i ki da ni tonatona mburu awiri Kindo. Mo bingo wai Yesu adu na nyemu ndikidi irisombori. Mbiko wa Yesu adu na nyemu ka undo kura aboro, ko ahusi aboro kaza, ki rigi agu aboro naadu na gomoro, na ki zingisi aboro be kpio. Ni mangako gi iˈiriwoapai re dunduko, ko ayugu gupai Kindo nika mangaha fu aboro.