“Yekova Nga Babandare”

1. Yekova nga Babanda re;

Mi apeka ko kindi.

Ko ini re na gi nyemupai;

Ko ini gimi zingo.

Ko nandu na mi sa ime,

Na rogo wene aba.

Ko nata na mi rogo nyemuse

Tipa mi gbia zereda.

Ko nata na mi ro nyemuse

Tipa mi gbia zereda.

2. Gamo agene ima ngba,

Nga agene rurupai.

Ka mo mbunga re mi ingi ya

Ti ta ngba gamo gene.

Ro ngbungumu kirimo kpio,

Ga ngbondo abanda re,

Mi agundenga be he wa sa te,

Mbiko mo nga gi Mbori.

Mi agundenga he wa sa te,

Mbiko mo nga gi Mbori.

3. Yekova nga Babanda re;

Mi nika peka ko tie.

Ako Buba, mo nabanda re;

Niberẽpa gi zingo.

Wa du mo ni unga Mbori,

Gi kido ni ungaha.

Gamo nyemuse nika banda re

Ro gi raka dunduko.

Ga nyemuse nika banda re

Ro gi raka dunduko.