WISIGOPAI 14

Kusa Memeapai Gbaiga

AEbere 8:1

MEMEPAI: Mo undo aboro i pekefuo ro wa mo amanga gumbapai, na ki yugu wai gbaiga memeapai ni basasa andu sa na gamo sasa gbiati gamo riipai.

Mo du na sasa bero. Mo asadi ka ino singia gamo gumbapai tipa ka tingida aboro na pai, ka sa yo i idi kuti pai, watadu ka fõ kpotoyo yo i mangipai, na fuani, mo ki mangihe kina wai si aidaha. Mo rugutiro na gupai nga gu memeapai du yo ni basasa naundo ro mo da ti gamo sasa.

Mo sana tiro nga: ‘Gini sanahe rengbe agu aboro nadegatuyo fere kadu na ni watadu gini kango du yo na ni kuti gipai re? Gini agene rengbe yo ka kusa agu asanahe re ngbaha watadu agu akango re?’ Fuani mo ki mbakadi gamo memeapai kina kuti ni tipa gupai nga agu aboro napekafuo ro wa mo amanga gumbapai rugutiyo na ni na ki di gupai mo agumbaha kugume.
Mo nyakasi rii gamo gumbapai. Mo tingidi aboro na rii gamo gumbapai dedede gbe na gu meme afugo du rogoho watadu ka mangasunge na agu afugo du wa ha.
Mo kusi gamo memeapai gbaiga na taata. Mo siaka kina gu memeapai nandu sa na gamo riipai na rengbe mo ka yugopai tipaha vuru gu regbo i nafuhe foro. Mo rogodi memeapai ni betehe, na ki fura tipaha ni basasa wenengai, mo ni ongodi bangbandaha, na kini fura tipa memepai sa tingbafuo gu kuraha.

Mo ima rengba ka fura tipa gu memeapai re ti tonatona gamo afugo tipa ka undo aboro i pekefuo ro wa mo nika manga gumbapai watadu ka pehe berewe ti digidoho tipa aboro tingidihe.