Mo Fugu gu Memeapai Mo Nawirikihe

Ya mo si ni du ti kura aregbo foro ni kpakarakpakaraha ka tingida gupai mo nawisigihe? Gupai re ninaamanga rani dunduko dedede. Ginipai rengbe mo ka mangaha? Mo berẽ berewe tipa bangua memeapai.

Wa mo nikaa manga wisigopai, mo naarugusa ha ti kura aregbo tipa ka berãkurii gupai mo nawirikihe. Oni bingo wai gu mokedi nangia Pauro aundo agu aboro naageda gu waraga ko akehe tipa i mangi gipai re ho ko ake gupai ni nga: “Awere . . . gere nga bakumba ha.” (Eb. 8:1) Rogo gi gene re, ko aundo yo i rugutiyo na gupai ko aaida ka gumbaha, na wai agu apai dunduko ko agumbaha adu na ngbanya dagbaha.

Mo ima rengba ka maa regbo, isoke wa aminiti bawe ti digido gamo wisigopai yo, tipa ka berã kurii gu memeapai mo nawisigihe. Ka si du nga mo atingidanga memeapai wenengai te, mo ngere berewe rii umba rii-apai watadu mo gedi gu bambata gene kekeapai du rogo ai genewaraga tipa si undoro mo tingidihe. Ka si dunga mo wiriki vovopai, mo asadi ka saka rogoyo rogo gamo afugo ni tiro. Ho mo aasada ni ka fugö agu apai mo nawirikihe, si nika du foro taata tipa ka tingidaha. Na mo nika rugatiro wenengai na wai rengbe mo ka mangapai kuti gupai mo nawirikihe.