Mangapai na Birĩ

Gupai Pauro Amangihe

VIDIO: Pauro Natungusapai fu Aboro Atenai

1. Oni bi VIDIO, watadu oni gedi Amokedi 17:22, 23. Fuoho, oni ki sakipai tipa agi asanahe du kusende re:

1. Waigu Pauro adu ho ko abi gu mangapai ni nga ga ziree pambori nadu atenai yo?​—Mo bi Amokedi 17:16.

2. Kuba gupai nga Pauro kitingbanga aboro Atenai, waigu Pauro amangipai rogo birĩ yo ka mangasunge na kina gayo aida ka tungusa wene pangbanga fuyo?

Ginipai Ani Awirikaha be Pauro?

2. Si nawira wa aboro ima rengba ka degatuyo furani gbe, ka si du nga ani na rubangirise na agu apai ani apehe, na wai ani apehe gbiati gu regbo ani apehe ti ni.

Mo Wiriki Pauro

3. Mo sia agu afugo ngba ti aboro. Ni kpiapai, ho mo afura ni na gu boro angianga Kristano ya, si nika ida mo mangi ariapai nibipa wai mo nika tona fugo tipa Baibiri watadu wai mo afura tipa Yesu.

4. Ka mo gbanga agba ka ruga gupai boro napehe ya. Mo mbu ni nipe gupai du kpotoniyo wa ni aidaha. Ka ni pe gupai nga gu natagbaga tihe na agu ayugopai nga ga Baibiri, mo ne gupai nga ga tikango na ni. (Yak. 1:19) Ni dega mo turo fu ni, mo nika rugatiro na pa gani aida na ndu gupai ni naidi ti ni kutini.​—Snz. 20:5.

5. Mo dakuti gani pai na ki tambua ni ho rẽhe arẽ ni. Ni ima rengba ka ida kuti gupai nga gani aida nga ga pambori ni kina ruruhe. Mo asadi ka fura tipa gupai mbata oni dunduko naima ida kutini na fuoho, yeeye mo kini undo ni ni rugutini na agu apai Baibiri ayugoho.