TONA FUGO DAGBASE
Amokedi 26:2, 3
WIRIKAPAI 4
Umbasitise
Bangua Rengo: “Ono gu ni bérẽ pa kura ni rogo umbasi gani berã ya ni ngba susi ni.”—Frp. 2:3.
Gupai Pauro Amangihe
1. Oni bi VIDIO, watadu oni gedi Amokedi 26:2, 3. Fuoho, oni ki sakipai tipa agi asanahe du kusende re:
Waigu Pauro ayugu umbasitise rogo gu gene ko afura ngbaha fu Bakindo Aguripa?
Waigu Pauro agbeberã aboro kuti Yekova na Baibiri kuba gupai nga ka gbeberã aboro kuti ko?—Mo bi Amokedi 26:22.
Ginipai Ani Awirikaha be Pauro?
2. Gaani pangbanga ni bawenehe gbe ho ani afura ni na umbasitise na rogo irisa yo.
Mo Wiriki Pauro
3. Mo fura rogo irisa yo. Mo asadi ka ne manga tiro wa kai ya mo ima ino apai dunduko, gu boro re tigani ainongo wiri pai te. Mo fura na ni rogo irisa yo.
4. Mo yuguhe gbaiga nga Baibiri nga mburu agu arengo mo ayugoho. Fugo Mbori na agu aberãpai rogoho nga gu rengbe ka zio ngbadu aboro yo. Ho ani amangasunge ni na ni, ani nasa gayo idapase mburuhe du ni wenehe gbe.
5. Mo nye zezeredi. Ka mo asadingo ka sa gupai nga kina gamo pai ru ya. Ani aidanga ka ti kango na boro te. Mo yugu umbasitise ni nye mo zanga zinga na ki ini gu regbo rengbe mo ka guari ho ti ni. (Snz. 17:14; Tito 3:2) Zezeredi karagapai ima rengba ka zaka gene tipa wene fugodagbase berewe kumbatayo.
MO IMA RENGBA A KA BI
Rom. 12:16-18; 1 Kor. 8:1; 2 Kor. 3:5