Hipai

Gupai Yesu Amangihe

VIDEO: Yesu Naundo Wirinako na Zerangbaduse

1. Oni bi VIDIO, watadu oni gedi Yoane 7:3-5 na 1 AKorindo 15:3, 4, 7. Fuoho, oni ki sakipai tipa agi asanahe du kusende re:

1. Waigu awirina Yesu amangipai ni bambataha kuti gako pangbanga?

2. Ginipai nayugo gupai nga Yesu aambunga manga ome ka undo wirinako nga Yakoba te?

Ginipai Ani Awirikaha be Yesu?

2. Si naida ani du na hipai bambiko bete kura aboro nadia gbanga regbo ka ida wene pangbanga kisusi agu akurayo.

Oni Wiriki Yesu

3. Mo asadi kura gene kia. Ka boro aidanga nibasa ka wirika Baibiri ya, ka mo sosodinga ni ya. Ho rẽhe arẽ ni, mo mangisunge na avidio watadu kekeapai ka undo ni ni rugutini na gupai ninaamanga ti regbo wisigo Baibiri na wai rengbe ni ka gbia undo ti ni.

4. Ka mo ringbisinga boro na kura ni ya. Aboro ni bakiakia. Ka si du nga gamo borokporo watadu gu boro mo nakaraga tiro fuo ni ká ka wisigo Baibiri watadu ka ida kuti agu ayugopai nga ga Baibiri, mo asadi ka ino ndu gupai duhe ti ni wo. Ya mo aida kinaho nga ga pambori du na nyanyakipaha fu ni? Ya mo ni nagbia sosodahe be agumeni watadu be gani amurakporo? Mo mbu regbo funi ni berẽkurii gupai mo napehe na ni bi pa nyakapa gupai Baibiri apehe.

5. Mo mangi kparakpee tipa gu boro yugu nyemupai. Mo sana Yekova ko undoro mo du kindi na kido na kini mangipai na birĩ. Mo kpari tipa rugatinapai ka ino gu regbo si aida mo mbu nduge fuo gu boro yugu nyemupai gbua tooni.​—1 Kor. 9:26.