Kpatagara Kuti Pai

Gupai Pauro Amangihe

VIDIO: Pauro Akpatagara Kuti Pai Efesa yo

1. Oni bi VIDIO, watadu oni gedi Amokedi 19:8-10. Fuoho, oni ki sakipai tipa agi asanahe du kusende re:

1. Kuba gupai nga Pauro mbu tungusapai ho aboro aasoga ko ni, waigu ko akpatagara kuti pai ka undo agu aboro nayugu nyemupai?

2. Bara wai Pauro anaakaraga tiko kaa yugopai fu agu aboro nayugu nyemupai, na bagizo regbo wai ko adihe kuti gupai re?

Ginipai Ani Awirikaha be Pauro?

2. Si naida ani di bakere regbo na ki mangi ome ka manga gu karagatise fuo aboro du na wene sangbaha na ki tona wisigo Baibiri na aboro.

Oni Wiriki Pauro

3. Mo du regerege ka ndu fuo gu boro re ti gu regbo ngba tini. Mo sananga tiro nga: ‘Gini regbo si awira wa mi ima rengba ka gbia ni? Ti gini regbo na wari si awira wa ni ima rengba kadu na nyemu ka fura na mi?’ Mo du na nyemu ka karagatiro fuo ni, ka si vura du vurũ nga gu regbo re andunga na mo te.

4. Mo mangi mbakadapai na ni. Ti digido afugo dagbase nibasasa, mo asadi ka ino gini regbo nzunzu rengbe oni ka fura berewe na gu boro re. Mo mangi ome ka gbia ni rogo gu ba na tigu regbo oni ada kutini.

5. Mo du na kido kindi. Ka mo berẽnga gupai nga boro na nyemupai te mbiko gupai gbua nga si ni kpakarakpakaraha ka gbia ni kporo watadu ni na dungu apai ti ni ya. (1 Kor. 13:4, 7) Mo nimangi ome amanga tipa ka gbia ni, ono mo ki ini he a nga mo namangasunge na gamo regbo ni tatamana.​—1 Kor. 9:26.