Nunga

Gupai Yesu Amangihe

VIDIO: Yesu Nayugo Nunga fu Rimbasa Aboro

1. Oni bi VIDIO, watadu oni gedi Marako 6:30-34. Fuoho, oni ki sakipai tipa agi asanahe du kusende re:

1. Tipagine Yesu na gako abawiriki aida kadu ti ni ‘ni sayo’?

2. Ginipai nafõngbadu Yesu yo ko yugupai fu rimbasa aboro?

Ginipai Ani Awirikaha be Yesu?

2. Nunga nafõngbadurani yo ani berẽpa aboro, angianga kina gaani pangbanga gbua ya.

Mo Wiriki Yesu

3. Mo degeturo wenengai. Mo mbu boro ni kusuko kpotoniyo. Ka mo denga fugo ngba ni niipo watadu ka bapa gani bipai, gani abakabangirise, watadu gupai ni atikango na ni ya. Ni dega mo turo fu ni, mo nayugo gupai fu ni nga mo naberãpa agu apai aberã ni aberãkuriihe.

4. Mo berẽpa gu boro yugu nyemupai. Riimburu gamo fugodagbase na ni, mo sananga tiro nga:

1. ‘Tipagine si aida ni ini rengo ti ni?’

2. ‘Waigu rengbe pa wirika ni Baibiri ka sa gani raka na auru dunduko na gani raka kumbatayo ni wenehe?’

5. Mo fura tipa agu apai rengbe ka undo ni. Ni kina ipo, mo yugu wai fu ni rengbe wisigo Baibiri ka karagapai kuti gani asanahe na wai rengbe he ka undo ni rogo mangimangipai yo.