Ngarã

Gupai Yesu Amangihe

VIDIO: Yesu Nafu Rugute fu Kumukokumuko Paranga Bazogo

1. Oni bi VIDIO, watadu oni gedi Marako 10:17-22. Fuoho, oni ki sakipai tipa agi asanahe du kusende re:

1. Gini wene asino si awira wa Yesu aima bihe ti gu paranga bazogo re?

2. Tipagine si aaida Yesu du ti ni na nyemuse gbiati ngarã ka fu rugute fu gu kumba re?

Ginipai Ani Awirikaha be Yesu?

2. Si naida ani fura rogo nyemuse yo ono ki duadu gbaiga fu gaani abawiriki Baibiri tipa ka undo yo i mangi sonakumbatayo rogo toro yo.

Oni Wiriki Yesu

3. Mo undo gamo bawirikipai ni moi asásá na ki da ti ni.

1. Mo mangisunge na gu paparapai nga “Asásá” du rogo agu awirikapai nibasa du rogo gu buku nga Mo Raki Nyeanye Kindi na Ngbarago!

2. Mo undo gamo bawirikipai ni inipa gu kparakpara adiandue si aida ni mangihe kada ti gani guruguru asásá na kikindigi asásá.

3. Mo nitambua gamo bawirikipai dedede tipa gani sonakumbatayo.

4. Mo ini agu akpakarapai naká na gamo bawirikipai ti manga sonakumbatayo na mo ki undo ni ni dibehe.

1. Mo sananga tiro nga:

   • ‘Ka si du nga gimi bawiriki Baibiri amanganga sonakumbatayo ka zio bapatiza te, ginihe naká na ni?’

   • ‘Gini undo rengbe mi ka fuhe rogo mangimangipai yo?’

2. Mo kpari tipa ngarã ka sakapai na gamo bawirikipai gbaiga ono rogo nyemuse yo tipa agu apai si aida ni mangihe.

5. Mo mbu wirikapai na gu bawirikipai re ka si du nga ni amanganga sonakumbatayo te.

1. Mo diberã ka ino singia gamo bawiriki Baibiri namanga sonakumbatayo ni sana mo tiro na agu asanahe nga:

   • ‘Ya mo gimi bawirikipai namangapai kuti agu apai ni awirikaha?’

   • ‘Ya mo ni nandu tipa adunguratise na kini pepa agu arengo ni awirikaha fu kura aboro?’

   • ‘Fuo ni wirikipai tipa bete regbo, ya mo ni na nyemu kada ni Dezire Yekova?’

2. Ka si du nga gamo bawiriki Baibiri na nyemu ka manga sonakumbatayo te:

   • Mo sana ni ni wisigi agu apai rengbe kaa ga na ni kusayo.

   • Mo mangisunge na birĩ ka saka ndu gupai mo arugusa wisigopai ti ni na ni.

   • Mo sa ni ni inipa gu sonakumbatayo si aida ni mangihe mbata fu mo tona wisigopai berewe na ni.