Tipagine Si Aida Mo Wisigipai ti ni Tipa Gamo Pambori?

Ani ya mo naida munganga gbaro tipa gu kere kaza namanga ro. Mo idi aida ka inopai wenengai tipa gu munganga re mbiko wa ní nika mangasunge ro. Ya mo si adunga nipatatamana tipa ka ino gu bagizo regbo ní adihe kuti gu sunge re te?

Teketeke a, si a nipatatamana tipa ka wisigopai wenengai tipa pambori. Kangia mo nga boro pambori, nirengo, mo namaa gamo raka rogo toro yo ngbapai. Gipai re nakoda gu maabangirise du mo nani tipa bata.

Yesu aima fu arugute furani tipa ani bi pambori ngba ruru gene. Ko ayaa: “I aina angua dunduko ti kina zuzuhe.” (Ruka 6:44) Nikpiapai, ho mo abi pambori ni, gini zuzuhe si akusaha? Ya mo gaha abarumbatayo nanyakasapai gbe tipa marã? Ya mo agu aboro du rogoho napekafuo gu bangua arugute nga ga Ziazia Kekeapai du tipa vura na ruru manga apai? Niyangaraha, ya mo pambori ho rengbe mo ka kido kutini? Ani nahõpai bero tipa mo wisiginga gu kekeapai ngbefuo gere.