AGU APAI NANDU NA GUPAI DU TI KPOTOHO | MO RENGBE ARENGBA KA MBEDA NA MBORI
Ya mo Mo Nabi Tiro Nga Mo Mbembedi na Mbori?
PARANGA NGA CHRISTOPHER DU GHANA YO AYA: “Du na wene pagume na Mbori nasa ro mo nibi tiro nga baro ima ngba na mo gu rẽarẽ. Mo nikaa bi tiro ti aregbo dunduko nga Mbori naida na wene apai tipa ro.”
HANNAH DU GARÃRI NGA 13 DU ALASKA AMERIKA YO AYA: “Mbori nabi ro abi rogo agu akpakarapai dũ du mo ro goho na kini kpinyemuro na kini ngerefuo ro susi wai mo aidaha.”
GINA DU GARÃRI 40 DU JAMAICA YO AYA: “Yangada wenepai du ngaha ka ino gupai nga mo na wene pagume na Mbori.”
Anga kina Christopher, Hannah, na Gina du na gi bipai re te. Dungu aboro rogo zegino dunduko idi kuti gupai nga Mbori nabi yo wa abakureako. Na ginipai du tipa ro? Ya mo mo nabi tiro nga mo mbembedi na Mbori? Watadu mo naida ka du mbembedi na ko? Mo ima rengba kaa bakabangiro nga, ‘Ya mo si taata fu boro ni du na wene pagume na Mbori Tanduapai Dũ? Ka i ya si taata, wai du?’
SI TAATA KA MBEDA NA MBORI
Ringbisihe kuti Ziazia Kekeapai, si taata boro mbedi na Mbori na kidu na wene pagume na ko. Ziazia Kekeapai naya Mbori ayambu gu ruru kumba nangia Abarayama nga “badiare” watadu badiangbako. (Yesaya 41:8) Mo bingo gu wene yambahe du rogo Yakoba 4:8 naya: “Oni mbédi na Mbori, ko ki mbedi na oni.” Rogo gi gene re, si nayugoho nga si taata ka zio bakure watadu kadu na wene pagume na Mbori. Ono wa ani arengbanga ka bi Mbori ya, wai rengbe mo ka ‘mbeda’ na ko na tipa kadu na wene pagume na ko?
Tipa ka karagapai kuti gu sanahe re, mo bingo gupai ninaamanga dagba agu aboro naida ka zio pa bakure. Si natona dedede nga aboro ue naasada ka ino arimoyo. Fuani, ho i nikaa fura ni dagbayo dedede, na kini pekepa agu apai du tipa yo, gayo pa bakure nasona. Na ho i aundo tiyo ni dagbatiyo, si na nyakasa gayo pa bakure. Ani rengbe ka pepai wakina gure tipa zio bakure na Mbori. Ani bingo wai rengbe gipai re ka manga.