AGU ASANAHE ZIAZIA KEKEPAI AKARAGAPAI KUTINI
Wai rengbe agude ka kpinyemu Mbori?
Si kina rogo gaani bangiriba nga ga Internet nga www.jw.org/zne, watadu oni ke waraga furani ku rogo adresi sa dagba gu gaani adresi du ti kpewaraga 2 tipa i kedihe furoni
Awironi rengbe ka kpinyemu Mbori sa kina gu ka i ini gupai nga ko kina ti ni na ko nakpinyemu yo akpi. Tipa i kpinyemu Mbori, si naida i iniko aino. (1 Yoane 4:8) Ni kpiapai, si naida i ini: Tipagine Mbori akusi rani ti ni? Tipagine ko nambugene ti ni fu arungo si nimangi? Ginipai Mbori nika mangaha fu aboro ku mbatayo?—Oni gedi AFiripoio 1:9.
Tipa ka undo awironi i kpinyemu Mbori, oni du wa ka oni yuguhe nga oni nakpinyemuko akpi a tigaoni. Ka i bi gupai re kuti roni, i ima rengba ka pekafuo gaoni kpiapai.—Oni gedi Pa Fu Rugute ni Ue he 6:5-7; Asanza 22:6.
Wai rengbe oni ka rimisopai ku ngbadu awironi yo?
Fugo Mbori na bakere ome ti ni. (AEbere 4:12) Oni undo awironi i wiriki gaha bangua ayugopai. Tipa Yesu rimisipai ku ngbadu aboro yo, ko anaasanahe, ni degetuko fuyo, na kini sakirogo Ziazia Kekeapai yo. Tipa ka rimisopai ku ngbadu awironi yo, si naida oni pekefuo ga Yesu gene yugopai.—Oni gedi Ruka 24:15-19, 27, 32.
Kurigure, agu apangbanga du rogo Ziazia Kekeapai nafura tipa wai Mbori anaamangapai na aboro rengbe ka undo awironi i inipai tipa Mbori na kini kpinyemuko. Awaraga kinaho i nakusihe tipa si niundo rogo gi bangiri ba re, oni rengbe ka bihe rogo www.jw.org/zne.—Oni gedi 2 Timoteo 3:16.