Ginipai Ziazia Kekeapai Agumbaha?

Ya mo aboro du nakusi pambori?

KURA ABORO IDI KUTI GUPAI NGA pambori nga guhe kina aboro akusihe; aguyo naberãha nga Mbori namangasunge na pambori tipa ka mbedisa aboro koyo du ko ni. Gamo bipai nga gine?

GUPAI ZIAZIA KEKEAPAI AGUMBAHA

“Ziazia idapambori [kinaho] barangba gaani Mbori, Barani, nga gu agberã nga ya.” (Yakoba 1:27) Ndikidi pambori naye be Mbori.

GU KURAPAI RENGBE ANI KA WIRIKAHA ROGO ZIAZIA KEKEAPAI YO

• Tipa ka sa ngbarago ti Mbori, si naida mburu irisombori du rii gu rengo nga ga Ziazia Kekeapai.​—Yoane 4:23, 24.

• Agu apambori du mburuhe rii agu aberãpai nga ga aboro si nga gbegberẽhe.​—Marako 7:7, 8.

Ya mo si rẽarẽ boro du rogo pambori?

GAMO KARAGAPAI NGA GINE?

• Ii

• Oó

• Si nabi ga boro bipai

GUPAI ZIAZIA KEKEAPAI AGUMBAHA

“Ani bérẽ pa akuarani ka nyakasa yo kuti nyemuse na wene mangaapai. Ka ani hé nga dungura tirani na akuarani” ya. (AEbere 10:24, 25) Mbori naida airisiko dunguratiyo wa rikaaboro sa.

GU KURAPAI RENGBE ANI KA WIRIKAHA ROGO ZIAZIA KEKEAPAI YO

• Si naida agu aboro nairiso Mbori kina sa du na ida a kina sa.​—1 AKorindo 1:10, 11.

• Agu aboro Mbori naidi na gayo irisombori i ni kodikodi yo rogo zegino dunduko.​—1 Petero 2:17.