‘Ko Naberã pa Ro’

Aberã Ka kura aboro vura ba gberãrago tiro vurũ rogo raka yo, boro kinaho kaa mbunga ro ya. Da nga gu boro re?

Bakindo Davide aya: “Bambiko buba mbu re na nina, ono Yekova adia re.”​—Atambuahe 27:10.

Yekova nga “Ba inaapai, nga Mbori wasa dunduko; nafu wasa fu rani rogo gaani gberãngbi yo dunduko.”​—2 AKorindo 1:3, 4.

“Oni bá agu apai nafuda roni ku auru ko yo; mbiko ko naberã pa roni.”​—1 Petero 5:7.

Ka mo aida ka wirikapai tipa wai Mbori aida ka undoro, mo bi wirikapai 8 nga ga gu buku nga Mo Raki Nyeanye Kindi na Ngabarago! aDezire Yekova akusihe. Si a kina rogo gaani bangiriba nga ga Internet nga www.jw.org/zne