Si Aidanga I Mangisunge na Agu Averesi Du Tipa Aʹuru Nibasasa Ti Regbo gu Dunguratise Du tipa Tungusapai Te

Mbata kusayo, ani anaamangasunge na agu averesi du tipa aʹuru nibasasa tipa gu dunguratise du tipa tungusapai ka si du nga gu veresi nga ga gu uru re nafura tipa sunge tungusapai. I ima manga ariapai ti ni. Si aidanga berewe ani mangisunge na Wisigo Ziazia Kekeapai Na Aʹuru Dunduko nimburu gu sakapai du tipa gu dunguratise du tipa tungusapai te. A wa si nidumbata, agu aboro nanungusa gu dunguratise re rengbe ka mangisunge na Ziazia Kekeapai, Gaani Sunge Nga ga Kindo, agu abuku nga Ministry School, Reasoning gbiati gu kura awaraga nafura tipa sunge tungusapai. Agu aboro i nafu sunge nungusaha fuyó duwa ka i mbakadihe wenengai tipa ka undo agu awirina nakura ka tungusapai rogo gu uru re. A wa si adumbata, si aidanga bagizo gu dunguratise re susi aminiti 10 watadu 15 te, na kangia oni namangaha tingbafuo nyasa oni na dunguratise nga ga dungurati, si du niwiri guruhe gbua.