“Imaroni Hasi Rago Ahasa”

1. Ginihe du ani na momu berani ka kparakaha na kura aboro?

¹ Tona pangbanangbawiso ki da ku nyemu, gu bawene imarago ani abihe naye na bakere taarimo fu Yekova Mbori. Ono tie, anga gu ngbatunga imarago re Yesu agumbapaha fu gako abawiriki te, ko agumbapa gu “imarago nga ga unga.” (Yo. 8:12) Pa du boro na gi imarago re nga bakere momu nga gu naye na nyanyakipa tindiro nani wa sa. Yesu arugu gako abawiriki ki yaa: “Imaroni hasi rago ahasa ku bangiri aboro,” si kini sa gupai nga i gbia undo. (Mt. 5:16) Rogo gi zegino du dungu aboro rogoho rogo gu bitimo nga ga toro re, si naida ani kparaka gu imarago akparaka du berani re na kura aboro, awere nga gu regbo nzunzu si aida ani mangi gupai re! Ono wai gu rengbe ani ka sa gaani imarago si naahasa rago ahasa, wa gu si adu tipa Kristo?

2. Wai gu Yesu ayugu gupai nga pa kparaka gu imarago nga ga toro na nyanyakipaha?

² Nimanga Ani Sunge Tungusapai: Yesu amangisunge na gako regbo, omeko, na agu ahe nadu beko dunduko tipa ka hasa gu imarago nga ga rengo fu aboro dunduko rogo gayó akporo, rogo agu aba aboro adunguratiyo kurogoho, ri abaagangara yo na rogo agu aba dunduko ko arengbe ka gbia aboro rogoho. Ko aima rugatiko na gu nyenye wene sangbanapai naye mbiko sa aboro i gbia gu imarago nga ga toro. (Yo. 12:46) Tipa ka da fuo dungu aboro, Yesu ambakadi gako abawiriki tipa i du ni “ga zegino imarago.” (Mt. 5:14) I asa gayó imarago si naahasa rago nimanga yó wene apai fu akurayó na niyugo yó rengo fu akurayó.

3. Wai gu rengbe ani ka yugo gupai nga ani na ndikidi tambuahe tipa gu imarago gbia ani he nga ga rengo?

³ Ga Mbori aboro nabi gu tindiro nga ga ‘raka wa awiri imarago’ na nyanyakipaha, na i natungusapai rogo agu aba dunduko i agbia aboro rogoho. (Ef. 5:8) Geda Ziazia Kekeapai watadu gu kura abuku nga ga aKristano rogo gu ba aboro abi rani abi rogoho, basunge yo, watadu sukuru yo rengbe ka sa rani ani sakipai na boro rogo Ziazia Kekeapai. Paranga wirinarani sa nidegude amangi gipai re ki kparaka awaraga 12 fu akurari sukuru yo.

4. Tipagine duhe ti ni nga mbu ani gaani imarago si nahasa rago nakoda wene sino mangaapai?

⁴ Wene Mangaapai: Pa mbu ani gaani imarago si nihasi rago ahasa kindi nakoda gaani sino mangaapai na aʹuru dunduko. (Ef. 5:9) Gu mangaapai nga ga aKristano nidu dedede kia basunge yo, sukuru yo, na rogo agu aba du aboro rogoho na gipai re nasa gupai nga i du na momu beyo ka fura na aboro tipa gu rengo du rogo Ziazia Kekeapai. (1 Pet. 2:12) Nikpiapai, gu wene mangaapai nga ga gude sa garãko adu nga 5 asa gupai nga gako nayugupai yambu avunguko. Ri aya fuyó wee: “Mi aabingo gude mbata wa gi ru re te, nga gu gude naida ka manga kina gupai du niruruhe ti aregbo dunduko!” Nirengo, gaani sunge tungusapai gbiati gaani wene sino mangaapai nagbe aboro kuti gu “imarago nga ga unga” na kini ye na taarimo fu gaani Mbori.