Oni Du na “Nunga”
1. Gine du aboro na zingoho?
1 Wa rago aenge, regbo aadunga wa gudu awere re du aboro rogoho na bakere zingo tipa i fu undo fuyo te. Gu gbegberẽ apai namanga rogo zegino, si naye na gberarago fu aboro na kini sa yó ka i dunga na wiri maabangirise tipa weneapai kumbatayo ya. Dungu amirioni aboro si aida i fu undo fuyo. Ani nga aKristano ima du na gene berani ka fu gu undo re fuyo. (Mt. 22:39; Gara. 6:10) Wai rengbe ani ka fuhe?
2. Gini bawene gene duho rengbe ani ka yugo gaani nunga ngbaha tipa aboro?
2 Gu Sunge Nayugopa Nunga: Agu apai dunduko naye na ndikidi wasa, si naenga ti kina Mbori. (2 Kor. 1:3, 4) Yekova nangarasa rani ani duna “nunga” a wa du ko, na ko fu gu sunge furani nga ga tungusa gu wene pangbanga nga ga Kindo fu aboro. (1 Pet. 3:8) Gu gene ngbaa kisusi tipa ka fu wasa ngbaha fu agu aboro “ngbaduyo akua” nga ka ndu na gi wene pangbanga nga ga Kindo re fuyo, mbiko gi Kindo re nga gu yangara zogarago nika undoyo. (Yes. 61:1) Mbembedii kumbatayo, Yekova nika guari ka dia gbegberẽ apai kusayo ki ye na ruru vovo zegino. Ko nika manga gipai re mbiko ko na nunga gako aboro tiko.—2 Pet. 3:13.
3. Wai rengbe ani ka wirika ga Yesu bipai tipa aboro?
3 Oni Bi Aboro Wa gu Yesu Anaabiyo: Yesu anaabingo aboro ni abadona te. Ko anaabi aboro na gu berã nga, wa du yó nibasasa re, si naida i mbakadi pagume dagbayo na Mbori. Ko anaabiyo wa agu akandoro adunga na babandara tira ya. Sidu, nungayo kini mangiko, si kini sako ko naayugopai fuyo na zerangbaduse. (Mk. 6:34) Ka ani abi aboro wa gu Yesu anaabiyo re, si nika sa gupai nga ani naamangayo ninunga. Gipai re nikadu niyuguyuguhe ziazia rogo woro fugo rani na kpakpuraniyo a. Si nika sa gupai a nga ani peresi sunge tungusapai mbatayo, na ani kini aria agu apai ani agumbaha tipa si rẽ na agu apai nabi agu aboro ani afura fuyo.—1 Kor. 9:19-23.
4. Tipagine si aida ani naamanga aboro ti ni ninunga?
4 Bakere rimbasa aboro dagba rikaaboro dunduko nadia gu pangbanga nga ga Kindo kugume. Wa ani kaa manga aboro kindi ninunga, si nika fu irisa fu Yekova gbiati ngbarago.—Koro. 3:12.