‘I Irisi Rimo Mbori Airisa’
1. Rii gu bakere dunguratise nga ga aʹuru ue nikadu rogo 2012 nga gine, na i di gu riihe re wari?
1 Si nibakere momu furani ani duna rimo Yekova rirani nga Bakindo Zegino Dunduko! Kina boro Mbori nitiko namoi gu rimo re kurirani, na gbe tona rogo gu garã nangia 1931, aboro ini rani na gu rimo nga aDezire Yekova. (Yes. 43:10) Bangisa Wiri Mbori nga Yesu anaabi rimo Mbori na kikiipaha gbe, na si ko aperesipaha rogo gu kpee yo ko ayuguhe fu gako abawiriki. (Mt. 6:9) Gu bakere dunguratise nga ga aʹuru ue ani ka mangaha rogo 2012, i di riihe rogo gupai Yesu agumbaha re. Riihe nga, “I Irisi Rimo Mbori Airisa.”
2. Gini apai ani ka giaha ba bakere dunguratise yo?
2 Agu Apai Ani ka Giaha: Rago Nzengu, gu gumbapai du riihe nga “Oni Sa Rimo Mbori Aboro Inihe” nika sakapai tipa wai du mangasunge Kindo ti aregbo dũ nibawene sunge. Ani nika gia gu zungudizungudi gumbapai a du riihe nga “Oni Bandatironi ti Manga Gupai Nika Ye na Gbarasa Rimo Yekova,” nga gu nika undo rani ani bandatirani ti agbina biama. Agu asanahe nga, Ginipai rengbe ka undo rani ani naatungusapai kindi kakaka zavura ho adunga aboro ni na nyemu gaani pai gbe ya? na, Ginipai rengbe ka undo rani ani naatungusapai si kidu na surungbaha ti ni? i nika karagapai sani rogo gu gumbapai du riihe nga “Gupai Si Aida I Irisi Rimo Mbori ti Ni.” Rago Poso, ani nika gia zungudizungudi gumbapai nikadu na apaparaha biama nga gu nika fura tipa wai rengbe ani ka irisa rimo Mbori nigaani aberã, gaani afugo, gaani adiaberã, na gaani mangaapai. Vovo aboro nikadu adu gbe na ngbarago ka gia gu gumbapai du tipa aboro dũ, du riihe nga “Yekova Nika Sa Rimoko Si Du Niirisiirisihe Rago Aramegido.”
3. Gini momu du berani, na wai gi bakere dunguratise re nika undo rani?
3 Fuo regbo ngbutuko, Yekova nika sa rimoko si du niirisiirisihe. (Yeze. 36:23) Wa du rago tie re, ani na momu berani ka sa rimo Yekova si du niirisiirisihe rogo gaani afugo yo na rogo gaani mangaapai. Ani naa kido nga, gi bakere dunguratise re nika undo rani aundo wadu ani nibasasa ani naamanga agu asunge du kurirani wangia ani agu aboro duna rimo Mbori riyo.