Jehovah’s Witnesses​—Organized to Share the Good News

Tipa agarã susi 100, aDezire Yekova nimbakadimbakadiyo tipa tungusa wene pangbanga. Ani natungusa gi pangbanga re rogo dungu akama afugo na rogo aringara susi 230. Si nga gu tua nga ga tungusapai ngbatungaha aamanganga mbata ya. (Mt. 24:14) Tipagine si aida ti ni ani mangi gi sunge re amanga? Wai du ani amangaha rogo zegino dunduko? Gu vidio du rimoho nga, Jehovah’s Witnesses​—Organized to Share the Good News nakaragapai sa agu asanahe re na kini fura sirisiri tipa gi gaani sunge ani amangaha rogo zegino dunduko re. Fuo bi mo gi vidio re, si naida mo mangi gupai i angarasaro sa ni du kusende re.

Mo penga pa wai gi vidio re naundoro mo rugutiro naapa agu apai tangarayo ho kusende re na kidu na tambuahe tipaha. (1) Gu sunge tungusa wene pangbanga ga Yekova riigbu amangaha. (2 Tim. 4:2) (2) Gu sunge aboro Betere amangaha rogo zegino dunduko. (3) Gu sunge yugopai du tipa raba amokedi gbiati ababiapai. (2 Tim. 2:2) (4) Nyakapa wisigo averesi na aʹuru dunduko na mbakadatise tipa adunguratise na aposo dunduko. (Amo. 17:11) (5) Gu undo du ti ndu kupati adunguratise yo. (Eb. 10:24, 25) (6) Agu amaku mo nika gbiaha Mbori nasa kpotosende niparadizo. (Yes. 11:9) (7) Gu momu nga ga rimiso mo tiro kurogo gi sunge nga ga tungusapai re.​—Yo. 4:35.

Gi vidio re nga wene ũsunge mbiko si ima undo agu aboro duna nyemu rengo tiyo i rugutiyo naapa gu sunge aDezire Yekova amangaha rogo zegino dunduko. (8) Gu regbo ngbaa tipa yugo gi vidio re fu agu aboro ani awisigo Ziazia Kekeapai naayo, fu agumerani, na kura aboro. (9) Gu wenepai si namangihe fuo yugomo ho fu aboro.

Wa ani aberãkurii agu apai Yekova amangaha, si nasa rani ani idi kuti gupai bake apapara Atambuahe agumbaha ki yaa: “Ako Yekova gi Mbori, mo angeesi gamo iiriwo mangaapai na gamo aberã du kono du ani ni; i arengba nga na ringbisa ha na mo te!” (Tam. 40:5) Ani mangingo sunge wenengai na gi vidio re ka undo aboro i du na tambuahe tipa Yekova na gako riigbu!